بدء توزيع التابلت المصرى "إينار" على طلاب الإسكندرية

السبت، 04 مايو 2013 - 09:23 م

التابلت المصرى

مكتب الإسكندرية

قام اليوم، السيد حمدى عبد الحليم، مستشار وزير التربية والتعليم، بزيارة مدرسة كلية النصر للبنات e.g.c حيث تم توزيع 105 أجهزة "إينار" وهو أول جهاز تابلت إنتاج مصرى على طلبة الصف الأول الإعدادى بالمدرسة.

وأضاف عبد الحليم أنه حتى الآن تم توزيع 600 جهاز على مستوى الجمهورية وتوزع جميعها على الطلبة بالمجان ودون أى مقابل أو تحميل أعباء إضافية لأولياء الأمور أو حتى المدارس القومية، وأكد أن الوزارة تستهدف توزيع الجهاز على جميع المدارس المعاهد القومية خلال الفترة المقبلة وبحلول العام الدراسى القادم.

تعليقات (10)

1

يارب نستخدم عقولنا

بواسطة: كريم

بتاريخ: السبت، 04 مايو 2013 10:38 م

انا بستغرب
جهاز تمنه تقريبا الف جنيه او اكتر ..... المسئولين عايزين يوزعوه ويعمموه ويفرقوه علي كل الطلاب
طيب انتوا مسألتوش نفسكم
اوزع الجهاز ده علي الطلاب ... الي في نسبه كبيره منهم مش بيعرفوا يتملوا اصلا .... والي اهليهم غلابه مش لاقين ياكلوا وممكن يبيعوه .... ولا هو اصلا احنا لما هنوزعه عليهم هيعملوا بيه ايه اصلا ... هو التعليم بتاعنا فيه حاجه الكترونيه او بتستخدم النت ... يعني ده هيخدم العمليه التعليميه في ايه .... ؟؟؟؟؟؟؟؟؟؟

لو في معاكم فلوس ومدايقاكم اوي كده وعايزين توزعوها .... ادوها لأهالي الاطفال الغلابه اللي طلعوا ولادهم من التعليم عشان مش لاقين يعلموهم بل مش لاقين يأكلوهم.... الي انتوا بتسموهم " المتسربين "
ادوها للمدرسين وحسنوا حالتهم ودربوهم عشان يقدموا تعليم افضل للطلبه
اصرفوا الفلوس علي تحسين مستوي المناهج وتطويرها
اصرفوها علي ادخال وسائل علميه حديثه وادوات للمدارس تساعد في شرح المناهج
يا اخي بلاش كل ده ... اعملوا دورات مياه ادميه عشان ولدنا يبقي يدخلوها بدل القرف اللي بنشوفه في المدارس


واخر حاجه هقولها ... يارب نستخدم عقولنا

2

لعلها خير

بواسطة: magda.gazy

بتاريخ: السبت، 04 مايو 2013 10:42 م

اذا نجحت مصر في حظر استيراد هذا الجهاز نهائيا من الصين ستعمل طفرة تكنولوجية عظية في مصر ولعلها خطوة خير على اولادنا

3

اينار

بواسطة: مصرى

بتاريخ: السبت، 04 مايو 2013 11:32 م

الجهاز ممكن يستخدم فى التعليم ويحقق نتائج باهرة

وممكن يستخدم فى تخزين الافلام اياها والصور الخارجة ويعمل مصائب وتقريبا الاتجاه التانى ها يغلب

4

تحيا مصر

بواسطة: محمد جلال

بتاريخ: الأحد، 05 مايو 2013 06:03 ص

السلام عليكم : صراحة انا مش مقتنع بفكرة توزيع تابلت ع الطلاب .. لكن اللي عاوز اضيفه انها خطوه ممتازة فكرة ابتكار واختراع و وتصميم منتح محلي مصري .. لو كنا من زمان كملنا فكرة تصنيع السيارات وقت ما صنعنا السيارة المصرية ( آر ) كان زمانا اتقدمنا كتييييييييير مثل ماليزيا وسنغافورا والهند والبلاد النامية دي بل كنا تفوقنا كمان .. اخيرا انا بتمنى الخير لوطني مصر الحبيبة .. بحبك يا مصر .. وتحيا مصر

5

اردني حر

بواسطة: محمود ابوزيد

بتاريخ: الأحد، 05 مايو 2013 11:40 ص

متى راح يصل الاردن

6

ليست المشكلة في التابلت ......... يا سيادة وزير التربية والتعليم

بواسطة: د. هيثم عاطف حسن

بتاريخ: الإثنين، 06 مايو 2013 01:16 م

ليست المشكلة في التابلت ......... يا سيادة وزير التربية والتعليم
ولكنها في المناخ العام للتعليم المصري المتدني تخلف التعليم المصري سببه عقلية من يقوم على إدارته والمشكلة في أصلاح التعليم المصري - أيضا - أنه لا يستند إلى فكر علمي واقعي.... لعجز قيادات التعليم والفكر عن استيعاب التطور المعاصر في الفكر التربوي وكيفية تطبيقه... خاصة مايتصل بالمعرفة الرقمية التي تجاوزت الحواجز بين نظم المعرفة المختلفة لمواجهة التدفق السريع للمعرفة من خلال مفاهيم جديدة للتعلم والبحث والابداع والسؤال هنا اين الكوادر البشرية التي تمتلك كفايات استخدام هذه التكنولوجيا الحديثة من المعلمين والطلاب ...؟ ومعظم المعلمين لايستطيع فتح جهاز الكمبيوتر ومعظم الطلاب في المرحلة الاعداية لايجيدون القراءة والكتابه .........فكيف يستخدموا التابلت
فالتعليم منظومة كاملة لابد النظر في مشكلاته كلل متكامل
فانا لا اقلل من قيمة هذا الصنع الهام ودخول مصر مرحلة جديدة في صناعة التكنولوجيا ولكن ... نريد حلولا جذرية لمشكلات التعليم وليست حلولا شكلية بعيدة تماما عن الواقع كاستخدام (التابلت)

7

مشكلة ؟

بواسطة: Abdullah Essam

بتاريخ: الثلاثاء، 07 مايو 2013 09:25 ص

اولا حضرتك بتقول 1000 جنيه ماهو الكتب بتكلف اكتر وده يعتبر توفير ثانيا انا كطالب عليا مسئولية انى احافظ عليه ولو مش حعرف استخدمه اتعلم خلي البلد تنضف بقى

8

وما نصيب المعلمين

بواسطة: محمد

بتاريخ: الجمعة، 17 مايو 2013 08:49 م

ياوزير التعليم طور المعلمين أولا

9

هل سيوزعونة .؟؟؟؟

بواسطة: طالب

بتاريخ: الأحد، 19 مايو 2013 06:01 م

""""""""""""??????????????????هل يوزعونة من بداية العام ؟؟؟؟؟؟؟؟؟؟""""""""""

10

خطوة ناجحة

بواسطة: نهله

بتاريخ: الإثنين، 10 يونيو 2013 03:25 م

انا اعتقد ان توزيع هذا التابلت المصرى لجميع الطلاب سيكون خطوة ناجحة ودافع لطلاب المدرسة وسوف يفيدهم ويشعرون انهم مدعمون من وزارة التربية والتعليم بدلا من انهم دائما يقارنون الامكانيات فى المدارس خارج مصر وداخلها ويشعرون بنقص كبير لديهم انهم لا يتمتعون بالامكانيات الكافية مما يجعلهم يكرهون المدارس لكن توزيع التابلت سيجعلهم يشعرون بان مدارس مصر بدأت بالرقى والتقدم وستكون هذه فرحة لهم ولكن سؤالى هل اكيد سيتوزع هذا الجهاز على جميع المدارس حتى مدارس القرى ومتى سيتم توزيعه بالفعل

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع

الأكثر قراءة