موقف "يا بيه مش سويقة"..

لو هتركب "ألف مسكن" أقف فى طابور "الأسطى أشرف" عشان النظام حلو

الثلاثاء، 28 مايو 2013 - 03:35 م

طابور للركاب بموقف الحى العاشر

كتبت إيناس الشيخ

بين زحام الساحة وقف متوسطاً طابور طويل من الركاب انهمك فى ترتيب صفوفهم بنظام لا ينتمى لزحام "موقف الحى العاشر"، قفزات سريعة اعتاد التحرك بها وسط الطوابير، وإرشادات لا يمل من توزيعها هنا وهناك، هى ما ميزت مظهره البسيط وحركات يديه التى أكسبته هيئة "عسكرى المرور"، "من هنا يا بيه؟"، "دا طابور الستات"، "أستنى دورك" وغيرها من العبارات التى اعتاد توزيعها على الركاب بمجرد توجههم لميكروباص "الألف مسكن" فى موقف الحى العاشر الذى حوله الأسطى " أشرف" إلى ساحة "منظمة بالأدب" كما يردد دائماً لمن يتساءل عن سر طابور الانتظار الطويل أمام الميكروباص، "بالأدب كله هيركب" هى عبارته الأشهر التى يلقيها سريعاً فى تنقلاته متمماً على نظام الطوابير وترتيبها كلاً فى مكانه دون تدافع.

"الأدب حلو يا بيه" بابتسامة بدأ "الأسطى أشرف فتحى" صاحب نظام الطوابير على ميكروباص الألف مسكن حديثه لليوم السابع عن تغيير معالم الموقف الذى اشتهر بالمشاجرات اليومية بين السائقين وتدافع الركاب والزحام الذى أنهاه الأسطى "أشرف"، وكله "بالأدب"، "الزحمة بتبهدل الناس، والستات ما بتعرفش تركب، كنت تلاقى الناس بتموت بعض عشان تحجز مكانها، طب ما نقف محترمين وكله هيركب" بمنطقية قد لا يستوعب عقله البسيط قيمتها وسط غيره من "الأسطوات" يتحدث "أشرف" الشهير "بال"الغوصى"، أو "منظم الطوابير" كما يعرف فى الموقف ورواده الذين أجبرهم الأسطى "أشرف" على الوقوف فى طوابير مقسمة إلى طابور للرجال وطابور للسيدات، ووقف منشغلاً بتنظيم المرور ودور السيارات وفض الاشتباكات، وتغيير سلوكيات الفوضى التى طالما سيطرت على الموقف.

تمم على السيارة الأخيرة قبل انطلاقها وتأكد من عدد الركاب ثم التفت قائلاً "قبل الثورة يا بيه ما كنتش تشوف الموقف كان سويقة.. واللى بيعرف يبلطج هوا اللى بيركب، الناس كانت متبهدلة وكل ساعة خناقة، قررنا نعمل نظاما فى الموقف؟ فيها أيه لو كل واحد وقف فى دوره، واللى جاى الأول يركب الأول، ولا نسيبهم يقول علينا شعب همجى" بدون مقدمات يقطع حديثه لإرشاد أحد المارة عن دوره فى الطابور، ثم يعود لاستكمال حديثه "كنت بقول ايه؟.. أه النظام غير الموقف خالص، بقى فى طابور ستات وطابور رجالة، وماحدش بيزق حد".

يترك الحديث للحظات يشير فيها للسيارة صاحبة الدور فى "التحميل" ثم يعاود حديثه قائلاً: فى ناس بقى بتيجى تتخانق؟ ومش عايزة تقف فى الطابور؟ يبقى ما تركبش.ز اللى مش عاجبه النظام يا بيه يطلع يركب من برا" .

النظام والهدوء والاحترام هى اللافتات التى رفعها الأسطى "أشرف" فى الموقف وحرص على ترديدها يومياً على مسامع الزبائن الذين اضطروا للوقوف بنظام، على اليمين طابور السيدات أو الرجل الذى قصد الموقف بصحبة أسرته، وعلى اليسار طابور الرجال، وفى مقدمة الموقف طابور السيارات التى لا يتعدى أحد سائقيها على دور الأخر، وفقاً لنظام الأسطى "أشرف" الذى ترك دوره فى التحميل واكتفى بتنظيم المرور وتحويل الموقف إلى ساحة "محترمة" ما أطلق عليها راضياً، لا يكف عن ترديد جملته التى عرفه بها الجميع "كل واحد يعمل اللى عليه والدنيا هتنضف"، مبدأ بسيط لا يحمل تعقيدات مركبة ولا يحتاج "لوجع دماغ" على حد تعبيره هو مبدأ فى "الموقف" الذى غير نظامه ورضى بقواعده الجديدة الركاب دون زحام "واللى مش عاجبه يمشى".
















تعليقات (68)

1

مواطن مصري حقيقي يستحق مليون تحية

بواسطة: مصري سعيد جدا

بتاريخ: الثلاثاء، 28 مايو 2013 04:07 م

برافو يا أبو الرجالة
وليتنا كلنا مثلك
وهذا هو المصري الحقيقي الشهم المحترم الأصيل
ليتنا مثلك
ليتنا مثلك
ليتنا مثلك
وهذا نموذج يستحق التعريف به في عدد من البرامج واللقاءات الصحفيه ويجب تكريمه معنويا من الدولة
وليتنا مثلك
ودعوة لكل الشباب أن نقلده ونحاكيه في كل المجالات

2

إسم على مسمى

بواسطة: مصري فرحان بيك يا اشرف

بتاريخ: الثلاثاء، 28 مايو 2013 04:10 م

إسمك أشرف وفعلا أشرف من الكثيرين
تحيه لك دوما يا مصرنا الحبيبة العظيمة

3

هيا نبدأ؟

بواسطة: abou hassan

بتاريخ: الثلاثاء، 28 مايو 2013 04:36 م

لماذا نفعل ذلك خارج مصر فقط ؟ ليه مانبدأ حملة ابدأ بنفسك ونحدد يوم نتفق عليه في مصر كلها ونطبقها في كل مناحي حياتنا اليومية

4

سياسة الطوابير

بواسطة: النظام اول خطوات التقدم........100-100

بتاريخ: الثلاثاء، 28 مايو 2013 04:48 م

النظام اول خطوات التقدم........100-100

5

اللهم احمي مصر

بواسطة: محمد hassan

بتاريخ: الثلاثاء، 28 مايو 2013 04:49 م

ما شاء الله

6

لن تنهض البلد إلا بأمثال هؤلاء

بواسطة: أبو كريم

بتاريخ: الثلاثاء، 28 مايو 2013 04:51 م

هذا اارجل البسيط فعل أول خطوة في طريق التقدم ...... عمل نظام و تابع تنفيذه و أصر عليه .... ليت النخب تفعل مثله ...

7

ربنا يكرمه

بواسطة: ahmed

بتاريخ: الثلاثاء، 28 مايو 2013 05:12 م

وياريت بعدكده الناس بدون ما واحد يقف ينظم تتعلم النظام

8

بدون عنوان

بواسطة: احمد

بتاريخ: الثلاثاء، 28 مايو 2013 05:34 م

نموذج يستحق التحية رغم بساطة الفكرة

9

الى التعليق رقم 1

بواسطة: احمد

بتاريخ: الثلاثاء، 28 مايو 2013 05:36 م

متفق معاك 100 %

10

النظام

بواسطة: ايهاب العاصي

بتاريخ: الثلاثاء، 28 مايو 2013 05:40 م

ما شاء الله عليك رجاء للمعارضة ان تتفهم معني هذا مش هنتقدم للامام الا بهؤلا الرجال المخلصين

11

النظام حلو مفيش كلام

بواسطة: سميرة

بتاريخ: الثلاثاء، 28 مايو 2013 05:42 م

انا بركب المواصلة دى على طول و فعلا موضوع الطابور ده فارق كتير مع الركاب كلهم

12

بدون عنوان

بواسطة: عادل

بتاريخ: الثلاثاء، 28 مايو 2013 05:45 م

يا ريت النظام يمشى على كل حاجة فى البلد

13

الى التعليق رقم 3

بواسطة: انسان

بتاريخ: الثلاثاء، 28 مايو 2013 05:47 م

بيقولك الف مسكن يبقى ازاى خارج مصر؟

14

النظام مش جديد

بواسطة: حسين صالح

بتاريخ: الثلاثاء، 28 مايو 2013 05:48 م

على فكره هذا النظام متبع فى موقف 15 مايو العباسية وكمان حلوان العباسية من حوالى 10 سنوات او كثر

15

تحية

بواسطة: هبة النيل

بتاريخ: الثلاثاء، 28 مايو 2013 05:52 م

تحية واجبة لمصرى اصيل

16

ياريت نستمر

بواسطة: وليد

بتاريخ: الثلاثاء، 28 مايو 2013 06:20 م

والله يا جماعة لو كل واحد بدأ بنفسه وبمن يعول لتحقق النظام فى كل مكان وأصبحنا من الدول المتقدمة .. اللهم اهدنا فيمن هديت قولوا آمين

17

بدون عنوان

بواسطة: واحد من الناس

بتاريخ: الثلاثاء، 28 مايو 2013 06:23 م

يا ترى بقى بياخد فلوس ع الخدمة دى ولا بيعملها لله و للوطن

18

الاخوان

بواسطة: احمد

بتاريخ: الثلاثاء، 28 مايو 2013 06:26 م

اكيد الناس اللى مبترضاش تقف فى الطابور دول اخوان

19

برافو

بواسطة: مصرى و افتخر

بتاريخ: الثلاثاء، 28 مايو 2013 06:29 م

برافوووووووووووووووووووووووووووووووو

20

بدون عنوان

بواسطة: سامى

بتاريخ: الثلاثاء، 28 مايو 2013 06:32 م

ياريت كل حاجة فى البلد تبقى بنظام كان زمان الحال بقى غير الحال

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع

الأكثر تعليقاً