سعر الدولار يقفز لـ8 جنيهات فى السوق السوداء

الأربعاء، 03 أبريل 2013 - 07:59 م

دولار - صورة أرشيفية

(رويترز)

قال متعاملون، إن سعر الدولار أمام العملة المصرية فى السوق السوداء قفز اليوم، الأربعاء، إلى ثمانية جنيهات بزيادة قدرها 20% عن السعر الرسمى، وقد حذر مصرفى من "انفلات" محتمل لسعر العملة الأمريكية مع فشل البنوك فى تلبية طلب المستوردين.

وقال متعامل، رفض الإفصاح عن المكان الذى باع فيه دولارات فى القاهرة اليوم، إنه باع الدولار مقابل ثمانية جنيهات، وقال متعامل آخر إنه باع الدولار بنفس السعر إلى دار للصرافة، بعد أن اشترطت عدم تقديم إيصال له.

يذكر أنه منذ الإطاحة بالرئيس السابق حسنى مبارك فى انتفاضة شعبية أوائل 2011 تراجع الاقتصاد المصرى وسط اضطراب سياسى وانفلات أمنى وتقلصت احتياطيات البلاد من العملات الأجنبية.

وفى العادة يعنى ارتفاع سعر الدولار صعود أسعار السلع فى مصر التى تستورد أغلب ما يستهلكه سكانها البالغ عددهم 84 مليون نسمة.

وبجانب ذلك تسعى مصر التى تتصاعد أزمتها المالية للحصول على قرض قيمته 4.8 مليار دولار من صندوق النقد الدولى، وتتخذ فى سبيل ذلك إجراءات تؤلم الفقراء منها رفع أسعار سلع وخدمات.

وممنوع على مكاتب الصرافة- وهى مملوكة ملكية خاصة- شراء أو بيع العملات الأجنبية بأسعار السوق السوداء، لكن متعاملا فى مدينة كفر الشيخ بدلتا النيل قال لـ"رويترز" اليوم، إن مكتبا للصرافة عرض عليه أمس الثلاثاء شراء الدولار بسعر قدره سبعة جنيهات و70 قرشا لكن بدون إيصال.

وقال مصطفى القصيف، مدير مركز الوطن لحقوق الإنسان "السوق السوداء فى مكاتب الصرافة أمر صار شائعا".

وأجبرت الأزمة المالية الحكومة على الحد من واردات الوقود، ما أدى إلى نقص تسبب فى تعطيل لوسائل المواصلات وانقطاعات للكهرباء.

تعليقات (20)

1

فعلا الكلام صحيح انا مشتري الدولار النهاردة ب 8.20 جنيه

بواسطة: مصطفى حسن

بتاريخ: الأربعاء، 03 أبريل 2013 08:13 م

ربنا ينتقم منكم يااخوان الشيطان خربتوا البلد الواحد غير بالسعر ده النهاردة علشان اسيب البلد قبل ما ابقى شحات بعد ان كنت مرشد سياحى محترم ربنا ينتقم منكم خربتوا بيوتنا

2

ولا يوم من أيامك يا مبارك !كان هناك إقتصاد و أمن و عمل و مرور و إحترام و كانت هناك دولة !

بواسطة: دكتور حسن حجاج

بتاريخ: الأربعاء، 03 أبريل 2013 08:15 م

بالفعل نحن أسفين يا ريس

3

اين الرؤية الاقتصادية

بواسطة: محمود المصرى

بتاريخ: الأربعاء، 03 أبريل 2013 08:20 م

سيدى الرئيس ... هل فعلا حضرتك تعرف ان سعر الدولار بقى 8 جنيه و لو لقيته .. حضرتك تعرف ان اغلب المستوردين اما بيوقف شغله او بيمشى عمالة من عنده او بيقلل المرتبات عشان سعر الدولار ... هل حضرتك تعرف ان رفع سعر انبوبة البوتجاز قبل رمضان بكام شهر معناه اننا فى رمضان هنشوف ايام جميلة فى اسعار البوتجاز .... ان علمت انك امام الله مسئول فاعد لكل سؤال جواب

4

يا باشا الدولار بقى ب 8.05 مش 8

بواسطة: مواطن

بتاريخ: الأربعاء، 03 أبريل 2013 08:33 م

يا باشا الدولار بقى ب 8.05 مش 8

5

بركاتك يا نهضة ,, بركاتك يا مرسي

بواسطة: حازم حازم

بتاريخ: الأربعاء، 03 أبريل 2013 08:38 م

ولسة يا ما نشوف مادام البلاد تدار من مركز بعيدا عن الرئاسة وسلم لي على النهضة

6

ما تبسطهاش اكتر من كده

بواسطة: عادل وهبه

بتاريخ: الأربعاء، 03 أبريل 2013 09:00 م

النهضه اراده فقر .....كفايه نهضه وحياه ابوكم والا مش حنلاقى حتى التبن

7

احنا السبب ....

بواسطة: واحد خايف على البلد ...

بتاريخ: الأربعاء، 03 أبريل 2013 09:32 م

قاعدين نشتم في النهضة .. واحنا "اللي بنبيع الدولار في السوق السودا" السبب ... لو كل واحد راح البنك وغير دولاراته .. او ما سحبهاش "زي ما عمل اخوانا البعدا" ماكانش ده حال البلد .. احنا وحشين .. وضعنا هيبقى وحش ... كويسين وخايفين على البلد .. وضعنا هيبقى كويس ..

8

هاااااااااااار اسود يا جدعان

بواسطة: حسن عبد الله

بتاريخ: الأربعاء، 03 أبريل 2013 09:36 م

احنا كده دخلنا فى سكة اللى يروح ميرجعش ، الدولار مرتبط ارتباط وثيق بكل السلع والخدمات واكتر من تسعين فى المية من استهلاكنا عن طريق الاستيراد الخارجى ، من المؤكد جدا ان احنا داخلين على مجاعة فظيعة فى خلال شهر او اتنين بالكتير الناس شكلها هتاكل بعضها فى الشوارع زى عصر الاضمحلال ايام الفراعنة ، المفروض انتخابات رئاسية مبكرة جدا وكفاية على عم الحج مرسى لحد كده

9

فلترحلوا عن وجوههنا فقد سئمناكم

بواسطة: أبوحديد

بتاريخ: الأربعاء، 03 أبريل 2013 09:56 م

ليس هناك مجالا للشكك بان العلاقة بين الأنسان وخالقة لاتحتاج لأحزاب ولا حتى حزب يعتلى كرسى الرئاسة وثبت فعليا أن الذين يعبدون الحجر فى بلد مثل اليابان عندهم من الضمير والأمانة والأخلاص مايفوق بملايين السنوات الضوئية هؤلاء الذين أعطونا نموذج اغبر عن المتأسلمين وثبت فليا صواب فكر عبد الناصر والسادات والسيد الرئيس حسنى مبارك فى التعامل مع هذة الأشكالات التى أوصلتنا الى قاع العوز والفقر والحاجة والضياع والانكسار القدام أسوء بملايين المراحل والقائمة مليئة بالسواد ليتنا كنا فى بلاد الذين لايعرفو ن مثل هذة الوجوة

10

أرجوا رحيل الحكومة و الرئيس

بواسطة: الفقير إلى الله

بتاريخ: الأربعاء، 03 أبريل 2013 10:49 م

أرجوا رحيل الحكومة و الرئيس

11

ممممممممممممممممممممممم

بواسطة: ككككككككككككككككك

بتاريخ: الأربعاء، 03 أبريل 2013 11:01 م

ممممممممممممممممممممممممممممممممممم

12

ارتفعات عشوائية للدولار

بواسطة: tarek.1957

بتاريخ: الأربعاء، 03 أبريل 2013 11:40 م

بدأت الارتفاعات الدولارية فى مصر تصبح أكثر عشوائية فى ظل انخفاض سريع وملحوظ فى الاحتياطى النقدى الاجنبى وانخفاض الدخل القومى من السياحة وضعف الانتاج بصفة عامة وتخفيض التصنيف الائتمانى لمصر عالميا وعدم وجود حلول قوية للمشاكل النقدية المتتالية مما يتطلب سرعة وجدية الحكومة فى الاستعانة بخبراء مصريين ماليين واقتصاديين بل وسياسيين لاتخاذ الاجراءات اللازمة لحل الازمة قبل أن تؤدى الى انفلات الاسعار التى بدأت فعلا فى الزيادة وبقوة

13

هى كانت فين الدولة

بواسطة: omar

بتاريخ: الأربعاء، 03 أبريل 2013 11:57 م

ما هو لوكانت اصلا فيه دولة مكنتش حياتنا ارتبطت بالدولار اسألو نفسكو مين عمل كده ومين نزل الاحتياطى النقدى من 36 مليار فى اول يناير 2011 ل 15 فى فبراير 2012 ولا كل واحد عيز يتكلم وخلاص يا شعب متخلف فعلا

14

للأسف ألاخوان حينما فكروا فى الترشح للرئاسه فكروا بنفس الطريفه للسيطره على نفابه

بواسطة: محمد

بتاريخ: الخميس، 04 أبريل 2013 01:44 ص

ولهذا السبب فشلو ا لأنهم لا نوجد لديهم كفاءات تصلح لأدارة دوله , أضف الى هذا الحرمان الطويل من المناصب جعلهم يتكالبون عليها وكل منهم يريد لنغسه فطعه من الكيكه , ولهذا السبب وصلنا الى مانحن فيه ألان من أنهيار على كافة أوجه الحياه .

15

قرض صندوق النقد لم يكن سوى حقنه مخدره لكى يتمكن ألاجانب الهروب وسعر الدولار منخفض

بواسطة: مصرى

بتاريخ: الخميس، 04 أبريل 2013 01:57 ص

ويعد أن تم التحويل وفقد الاحتياطى النقدى مايقرب من عشرين مليار يدأ الدولار يتحرك ويدأ الصندوق يماطل ويطلب تعويم العمله ورفع الدعم ,

16

أشكركم

بواسطة: محمد حسن

بتاريخ: الخميس، 04 أبريل 2013 02:19 ص

اشكرك شكرا جزيلا على النشر

17

ال 20 مليار

بواسطة: hm

بتاريخ: الخميس، 04 أبريل 2013 03:21 ص

البلد كان فيها احتياطى 35 مليار حتى يوم 11 فبراير 2011 محدش سأل هى ال 20 مليار دولار راحت فين وفاروق العقدة وداهم فين وليه هرب على امريكا

18

صباح الفل

بواسطة: مواطن مقهور على بلده

بتاريخ: الخميس، 04 أبريل 2013 04:35 ص

الدولر وصل 8.20 جنيه فى السوق السوداء ومفيش رسمى لان المعروض من البنك المركزى
قليل جدا لسه الفتره الجايه فتره ارتفاعات فى الاسعار جهنميه ولو الوضع استمر باسلوب العرض والطلب ده الدولار ممكن يوصل ل 10 جنيه ومحدش يلوم الناس التجار بستورودا بضايعهم
والمواد الخام من بره بالدولار والدول مش بتدعم والمعروض القليل مش قدامهم غير السوق السودا ومعندوش حل غير انه يحمل الارتفاع غير على المواطن واشربى يا حكومه

19

ارجون من اليوم السابع عدم نشر اخبار كهذه

بواسطة: مصطفى على حسن

بتاريخ: الخميس، 04 أبريل 2013 05:44 ص

هذه الأخبار تروج للسوق السوداء و يستخدمها المتلاعبون لزيادة اسعار الصرف لتحقيق ارباح حرام تضر بالأقتصاد القومى و تضر بالشعب كله ، الرجاء من ادارة اليوم السابع ان تكون حريصة على مصلحة مصر و شعبها و لا تنشر هذه الأخبار مطلقاً و الذى يريد معرفة سعر الصرف فعليه بالذهاب للبنوك او الدخول على مواقعها لمعرفة اسعار الصرف .

20

إلهي ربنا ينتقم منك و من جماعتك

بواسطة: أشرف يونس

بتاريخ: الخميس، 04 أبريل 2013 10:54 ص

إلهي ربنا ينتقم منك و من جماعتك و من هاني صلاح الدين اللي قاعد يدافع عنه ليل نهار في الحق و في الباطل .. فاضل نكنس عليهم السيدة عشان تكمل و نهاجر رسمي و إحنا جوه

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع

الأكثر قراءة

الأكثر تعليقاً