طلاب "صيدلة القاهرة" يعلنون الاعتصام أمام مكتب العميدة حتى رحيلها

الإثنين، 15 أبريل 2013 - 01:32 م

اعتصام صيدلة القاهرة

كتب هانى محمد

أعلن طلاب كلية صيدلة جامعة القاهرة الاعتصام أمام مكتب عميدة الكلية، لحين رحيلها، وقام الطلاب بتشكيل لجنة منهم للمرور على الأساتذة لتوضيح أسباب احتجاجهم، وكيف أن إدارة الكلية تسىء إلى سمعتهم، على حسب تعبيرهم.

وتعالت حده الهتافات، "يا عميدة قولى الحق ترضيها لابنك ولا لأ"، "عاوزين إدارة تفهم.. مش إدارة تفصل"، "كارت أحمر للإدارة.. واللى قاعدين فى الوزارة"، "أول مطلب للطلاب العميدة بره الباب.. تانى مطلب للطلاب الوكيلة بره الباب".

ورفع الطلاب عدداً من اللافتات كتبوا عليها "التعليم مش سبوبة يا دكاتره"، "إحنا أوائل الثانوية العامة.. إحنا مش بلطجية".

تعليقات (7)

1

ريحتها إخوان في إخوان

بواسطة: دالسيد

بتاريخ: الإثنين، 15 أبريل 2013 01:42 م

فايحة قوي ريحتها فايحة قوي ومكشوفة

2

LOL

بواسطة: jack sparrow

بتاريخ: الإثنين، 15 أبريل 2013 01:50 م

اوائل الثانوية العامة !! و بعد التخرج مكانكم في بقالات بيع ادوية !!! اللي يشوف الحمقة دي يقول ان الاغلبية هتتخرج تشتغل في مراكز بحوث و معامل اختبار و تصنيع ادوية زي ما المفروض يكون الصيدلي . مش بياع دواء و السلام

3

to jack sparrow

بواسطة: د.محمد (صيدلي)

بتاريخ: الإثنين، 15 أبريل 2013 02:09 م

شكلك كدة كان نفسك تدخل صيدلة و ما فلحتش
أو تكون خريج علوم ( أكتر ناس حاقدة على الصيادلة)
على فكرة الصيادلة في كندا و أمريكا و أستراليا بيبيعوا أدوية في الصيدليات يا افندي

4

صيدلة

بواسطة: صيدلي

بتاريخ: الإثنين، 15 أبريل 2013 02:19 م

دول كلهم صيادلة ربنا يزيد ويبارك

5

العميدة ظالمة ظالمة ظالمة ولاتهتم سوى بنفسها هي ومساعديها ولا ترد على التلفونات ولا الفيس

بواسطة: أم طالب

بتاريخ: الإثنين، 15 أبريل 2013 02:23 م

حسبي الله ونعم الوكيل في العميدة دي هي ومساعديها والمسئولين معها عن الطلاب عندها بس ترسل لهم انذارات لكن تحل مشاكلهم تساعدهم زي ما بتساعد اولادها لا حسبي الله ونعم الوكيل فيها أنا أم طالب وسأنفجر من غيظي منها ربنا يساعدنا على رحيلها عن الكلية نهائيا.

6

الى تعليق رقم 3

بواسطة: حسن ابراهيم محمد

بتاريخ: الإثنين، 15 أبريل 2013 03:36 م

يا سيد محمد عيب الكلام اللى أنت بتقوله ده ممكن ترد على أى تعليق بس بدون تعميم لو سمحت أنا كيميائى وليا الشرف أنى أكون من خريجي كليه العلوم وبعدين حرف د. قبل أسمك ليه
هل سيادتك معاك دكتوراه مثلا ولا سيادتك مجرد أنك فى صيدله ولا طب تقوم حاطط حرف د قبل أسمك وخلاص وبعدين يا أخى عندك د. زويل وده دكتور فعلا فى العلم ونال جائزة نوبل العالميه خريج علوم غير دكتور فاروق الباز خريج علوم جيولوجيا أرجو أن يكون التعليق والنقاش أرقى من كده على فكره أنا مش صغير يعنى الألقاب لا تعنينى بس حاسس أن لغة الحوار متدنيه سواء من جاك تعليق 2 أو منك يا سيد محمد وشكرا .....

7

اهانة دكتور صيدلي

بواسطة: ola

بتاريخ: الإثنين، 15 أبريل 2013 07:57 م

احنا طلبة احنا دكاترة ولكن
1-عرفنا طعم الزل في طابور امتحان الشفوي ولا كانه طابور عيش
2-بنمتحن النظري في المعامل وعندنا حل من الاتنين نفضل واقفين عشان نعرف نركز ونتكب طول ثلاث ساعات الامتحان او نقعد ظهرنا متني
وان كان امتحانات النظري مش مشكلة كبيرة اوي المفروض يكون لينا قاعات خاصة بالامتحانات حقي امتحن وانا اعصابي هادية ومرتاحة
3- كليتنا ممكن تبقي جراج بس لو شيلنا البابين
يعني اية كل معيد وكل دكتور يدخل بعربيته ويركنها في الكلية واصلا المساحة صغيرة جدااا
4- مش لاقين مكان نقعد فيه نقعد نستني السكاشن والمحاضرات فين ؟؟؟؟؟؟؟؟؟؟؟؟؟؟
5- ازاي ازاي ازاي نمتحن والمعمل ضربت فيه المجاري ورجلينا بتغوص في المية اللي مش نضيفة
7- لما نحب نشتكي للوكيلة تقولنا برة
ودي نبذة صغيرة عن بعض الاهانة اللي انا شايفاها
نفسي احب المكان اللي بتعلم فيه

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع