ياسر على ينفى ما تردد حول تولى مرسى رئاسة الوزارة

السبت، 07 يوليو 2012 - 10:21 م

ياسر على ياسر على

عبير عبد المجيد

نفى الدكتور ياسر على القائم بأعمال المتحدث باسم رئاسة الجمهورية ما تردد عن تولى الرئيس محمد مرسى بنفسه رئاسة الحكومة خلال الفترة القادمة، واصفا هذا الأمر بأنه تكهنات صحفية ليس لها أساس من الصحة.

كما رفض الدكتور ياسر على، التعليق على ما تردد من بقاء حكومة الدكتور الجنزورى لتقوم بتنفيذ برنامج المائة يوم الأولى من برنامج الرئيس.

وقال المتحدث، إنه سيكون هناك حكومة جديدة فى القريب العاجل، مضيفا أن العمل يجرى على قدم وساق لتنفيذ برنامج المائة يوم الأولى، حيث عقد الرئيس مرسى خلال الأسبوع الماضى أكثر من 27 لقاء مع قيادات ومؤسسات الدولة والمحليات والمرور، لافتا إلى ما تم اليوم من إزالة للكثير من الاشغالات على الطريق الدائرى.

وأضاف ياسر على، أن هناك عمل دؤوب يجرى على مدار الساعة للوصول إلى مستوى مقبول فى القضايا الرئيسية الخمس من برنامج المائة يوم الأولى حتى يشعر المواطن والسائح والمستثمر بتحسن مقبول وهدوء وأمان لجذب المزيد من السياحة العربية والأجنبية.

تعليقات (20)

1

ياساتر استر يارب

بواسطة: مصريه

بتاريخ: السبت، 07 يوليو 2012 10:27 م

فوق

2

انا واثق ان كل شغل الاخوان كلام وشعارات على الفاضى

بواسطة: العربىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىى

بتاريخ: السبت، 07 يوليو 2012 10:33 م

فوق

3

اقترح ان يتولى الدكتور محمد مرسى رئاسة الوزراء ووزارة الداخلية

بواسطة: اخوانى وأفتخر

بتاريخ: السبت، 07 يوليو 2012 10:36 م

هذا هو افضل الحلول

4

يبقى كملت .. الواحد بقى يحزم شنطة ويتوكل على الله ويسيب البلد

بواسطة: يحيى محمود عوض العقيلى ... الوراق

بتاريخ: السبت، 07 يوليو 2012 10:53 م

يعنى ايه مفيش ولا قيادى فى البلد يرأس الحكومة امال الشخصيات والقيادات راحت فين واعتقد ان الاخوان مش لاقيين اى اخوانجى يمسكوه الحكومة وهذا هو المتوقع كما انه من المنطقى الا تجد اخوانجى ذو عقلية فذه تتحمل هذه المسئولية اى شنب مهما كان فيهم اخر ما عندهم حافظ كام سورة من القران وكام حديث نبوى وخلاص لكن ان يكون فيهم شخصية تستطيع تمسك الحكومة وتدير الوزاراتاشك هم ثقافتهم بعيدة كل البعد خاصة فى النواحى الاقتصادية

5

اعتقد ان مرسى مش لاقى قيادى اخوانى لهذا المنصب .. خلاص : نستورد من بره

بواسطة: يحيى محمود عوض العقيلى ... الوراق

بتاريخ: السبت، 07 يوليو 2012 10:57 م

اذا كان الدكتور مرسى مش لاقى شخص يمسك الوزارات فاعتقد ان البلد مليانة كوادر لكن الارجح انه مش لاقى حد فى الاخوان لهذا المنصب الهام لانهم كلهم ( هلاهلى ) وانى اقترح ان نستورد من الخارج لسد هذا الفراغ على الاقل حاليا

6

http://www.youm7.com/News.asp?NewsID=725836

بواسطة: ابو راشد

بتاريخ: السبت، 07 يوليو 2012 11:24 م

اذا كان الدكتور مرسى مش لاقى شخص يمسك الوزارات فاعتقد ان البلد مليانة كوادر لكن الارجح انه مش لاقى حد فى الاخوان لهذا المنصب الهام لانهم كلهم ( هلاهلى ) وانى اقترح ان نستورد من الخارج لسد هذا الفراغ على الاقل حاليا

7

فى التانى السلامة والعجلة الندامة

بواسطة: رحاب

بتاريخ: السبت، 07 يوليو 2012 11:47 م

يامسلمين او يامسحين يا موحدين بالله اياكم والظن مين قال انة منتظر جد من الاخوان مش كفاية غيظ من الاخوان بقى ياريت نتعاون كلنا بقى مع بعض لصالح البلد وكفاية غيظ وكرة للاخوان عمرنا ما هنبنى طول ما فى كرة كلنا مصرين خفين على بلدنا لزم نحب بعض عشان نقدر نحميها مصر امنا كلنا سواء اخوان او لاولزم نحترم ريسنا ونقول الله يعينة على الحمل الكبير مش نقول كلام ملوش لزمة

8

ياساتر يارب

بواسطة: حسين على

بتاريخ: السبت، 07 يوليو 2012 11:58 م

استررررررررررررررررررررررررررررررررررررررررررررررررررررنا يارب

9

رئيس الوزراء

بواسطة: مصطفي

بتاريخ: الأحد، 08 يوليو 2012 12:21 ص

اكفئ واحد يكون رئيس للوزراء الدكتور فاروق العقدة

10

الصيني احسن

بواسطة: عامر مكاوي

بتاريخ: الأحد، 08 يوليو 2012 12:47 ص

احنا ليه التفكير بتاعنا محدود وبنبص دائما تحت ارجلنا ولا ننظر الي الامام والحل امامنا ولكن لا نراه وهوا استيراد رئيس وزراء من الصين ونركبله لحيه خصوصا ونحن منفتحين علي الصين
وخلصونا بقي من الموضوع ده

11

الناس اللى بتعلق كلها قاعدة بتتكهن و بتزيط فى الزيطة

بواسطة: يعنى انتوا عايزين ايه ؟

بتاريخ: الأحد، 08 يوليو 2012 02:20 ص

ربنا يهدى الأدمغة التعبانة

12

اعلاميون كاذبون وقنوات مأجورة

بواسطة: dr.ahmed salem

بتاريخ: الأحد، 08 يوليو 2012 02:51 ص

على فكرة انا مش من الاخوان ولا السلفيين بس الموضوع بسيط جدا احنا شعب فرعونى وملناش غير الكرباج هوا ده اللى هيعدلكو يا اعلاميين يا كاذبين اقسم بالله الاعلاميين والقنوات المأجورة معندهمش هم غير انهم يفسدوا فى البلد حسبى الله ونعم الوكيل

13

صبرا قليلا

بواسطة: نشوة محمد

بتاريخ: الأحد، 08 يوليو 2012 03:17 ص

ليس من اقل المنطق ان يرأس رئيس الجمهورية رئاسة الوزارة , يجب التأنى حتى يتم اختيار رئيس وزارة تمام وعلية اكبر توافق . ياريت نعطى الرئيس فرصة ثم نحكم علية .

14

كدة صح

بواسطة: محمد

بتاريخ: الأحد، 08 يوليو 2012 06:11 ص

الشاطر هو الريس ومرسى لازم اى منصب

15

الصبر

بواسطة: هانى

بتاريخ: الأحد، 08 يوليو 2012 06:58 ص

لقد صبرتم كثيرا على الظلم 30 سنة ... ولكم فيما يلى مثال للصبر :
ايوب صبر على ابتلائه ربنا هايعوضه بالجنه
سيدنا يعقوب صبر على فراق يوسف وربنا عوضه وعوض ابنه ملك خزائن الارض
سيدنا موسى مع الخضر لم يصبر على حكمة الله
سيدنا يونس لم يصبر عل قومه فابتلعه الحوت ولولا رحمة الله للبث فيه الى يوم يبعثون
سيد الخلق وصاحب الشفاعة
صبر على قوم الطائف على اذيتهم وكفرهم وقد جائه ملك الجبال ليطبق عليهم الاخشبين لو اراد
ولكنه اراد ان يتحلى بالصبر عليهم لعل يخرج منهم من يوحد بالله
وفعلا كان له ما صبر علشانه
وكثير مافيش نبى الا وجاء ليعلمنا الصبر لانه من اسمى مكارم الاخلاق

واحنا يا ريت نصبر حتى يختار الرئيس حكومة تستطيع أن تتعاون معنا جميعا ؛ ولا تنسوا أن الله خلق الارض فى ستة أيام وهو قادر على أن يقول للشئ كن فيكون ... ولكنه جل وعلى يعلمنا الصبر .
الصبر .... فمرت علينا سنوات عجاف كثيرة ... فلا نستطيع أن نعطى الرجل فرصة لأيام أو أسابيع ليختار لنا من هو أفضل ... ولا تنسوا أن لعبة السياسة بها الكثير من الفتن ومن يحيكون لهذا البلد المكائد ... اللهم نجى بلدنا من الفتن والمصائب .

16

رجــاء صريــح

بواسطة: هاني صفوت

بتاريخ: الأحد، 08 يوليو 2012 07:29 ص

ياريت الدكتور محمد مرسي يرأس كمان حي النزهه بمصر الجديده ويشوف الأدوار إللي بنيت في حلال الثورة من غير نصاريح والعمارات إللي حاتنهار في خلال أسابيع فوق رؤس سكانها

17

مش حاجة محسوسة

بواسطة: miko

بتاريخ: الأحد، 08 يوليو 2012 08:52 ص

واضح ان الاخوة الاعداء للسيد الرئيس مش عايزين يشتغلوا كويس اطنان المخلفات تحيط بسور ارض التجارب لكلية الزراعة واسفل الدائرى من اول كبرى ثروت وانت ماشى بقا .
ياريس ارجوك تاخد باللك من اللى عايزينك تفشل انت عايزها 100 يوم وهما عايزنها 100 سنة

18

وزارة النــــــــــفى

بواسطة: حازم

بتاريخ: الأحد، 08 يوليو 2012 08:57 ص

انباء عن تولى الدكتور ياسر علي منصب وزيـــــر النفى

19

انا لله وانا اليه راجعون

بواسطة: محمد

بتاريخ: الأحد، 08 يوليو 2012 08:58 ص

ياجماعه الراجل بيستنكر على اللى طلعوا الاشاعه خلاص عملتوها حقيقه وكلامكم كتر ع الفاضى ولا انتوا عاوزين جنازة وتشبعوا فيها لطم

20

فهمونا!!!

بواسطة: sherif

بتاريخ: الأحد، 08 يوليو 2012 09:38 ص

هو مش المفروض الرئيس بيبقي جاي وعارف من الاول خالص هو هايعمل ايه!! ومعاه مين؟؟! ومين رئيس وزراءه!! ومين وزراءه!! ولاا هو كل همه يركب علي الكرسي وبعدين يفكر يعمل ايه...... والله ياخوفي ليكون مشروع النهضة ده ورق ابيض( فاضي) من جوه.... بس العموم مش فارقة كتير .. فخبط فالمتخبط .. وعك فالمعكوك... وسلملي علي الاخوة

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع

الأكثر قراءة