"يعقوب" يصف المواقع الإخبارية بالضلال.. ويتهم مذيع "الرحمة" بالكذب

الخميس، 03 مايو 2012 - 03:19 ص

ملهم العيسوى وحسين يعقوب ملهم العيسوى وحسين يعقوب

كتب أحمد عطوان

اتهم الداعية السلفى المعروف الشيخ محمد حسين يعقوب الإعلامى ملهم العيسوى مذيع قناة الرحمة بالكذب، وذلك بعد قراءة "العيسوى" خبراً منشوراً على بعض المواقع الإلكترونية عن تواجد الشيخ محمد حسين يعقوب مع الشيخ محمد الظواهرى شقيق أيمن الظواهرى بميدان العباسية للشد من أزر المعتصمين وأنهم جاءوا من أجل تطبيق الشريعة، ورداً على مطالبته سابقا الشيخ حازم صلاح أبو إسماعيل ببيان حقيقة موقف الجنسية ودعوته للعلماء بالمحافظة على مصر وشعبها من فتنة أنصار أبو إسماعيل.

كان الإعلامى ملهم العيسوى مقدم برنامج "من القاهرة" يقدم حلقة خاصة عن الأحداث الراهنة مع الشيخ صفوت حجازى والداعية أيمن صيدح، حين استوقفه خبر مشاركة الشيخ يعقوب بمظاهرات العباسية، والمنشور على بعض المواقع، واستمع لمداخلة هاتفية لبيان حقيقة الخبر، فإذا بالشيخ يعقوب يفتح النار على "العيسوى" ويتهمه بأنه كذاب وأنه لم يشارك فى مظاهرات العباسية، قائلاً: "النت كله افتراءات وضلال، ومفيش مواقع إخبارية موثقة، المواقع دى فسوق كلها وافتراءات".

وهاجم يعقوب مقدم البرنامج واتهمه بأنه كذاب ومتعدد وقائع الكذب لاتباعه "النت" موجها كلامه لملهم العيسوى: "وأنت كذبت أكتر من مرة عشان بتابع الحاجات دي".

وهدد المذيع قائلا: "ازاى كل خبر تذيعه وتقول كده بدون ما ترجعلي، أنا قلت ميت مرة محدش ينشر خبر عنى غير لما أقوله بنفسى وانشره فيديو على موقعى أو القنوات بتاعتي.. أنا لى مصادرى أعرف أقول منها كويس وكل واحد يلتزم حدوده".

ورد ملهم العيسوى انه اتبع المنهج الإعلامى حين حاول التحقق من صحة الخبر واتصلنا هاتفيا بالشيخ يعقوب لنعرف الحقيقة.

وتساءل ملهم: هل كذبت حين بينت حقيقة أبو إسماعيل وقلت أن الشيخ حازم أبو إسماعيل ليس معه دليل أن والدته لا تحمل الجنسية الأمريكية، وقام بإنهاء البرنامج غاضبا على الاتهامات الموجهة إليه من الشيح محمد حسين يعقوب.



تعليقات (112)

1

راجل والله

بواسطة: eslam

بتاريخ: الخميس، 03 مايو 2012 03:24 ص

ايوة كده يا شيخ يعقوب كان لازم تفوق اى حد يقووول كلام مش متأكد منه وانا معاااااك جداً فى اللى قولته

2

بحبك في الله

بواسطة: ahmed salah

بتاريخ: الخميس، 03 مايو 2012 03:24 ص

حفظك الله شيخنا الجليل
بحبك في الله
سنحيا كراما

3

لا حول ولا قوه الا بالله

بواسطة: Gadd

بتاريخ: الخميس، 03 مايو 2012 03:29 ص

تجار الدين

4

الله يفتح عليك

بواسطة: محمود

بتاريخ: الخميس، 03 مايو 2012 03:31 ص

إن كان قالها فقد صدق وإن لم يقلها فقد كذب اللي نقل الخبر

5

احسنت

بواسطة: ايهاب صالح

بتاريخ: الخميس، 03 مايو 2012 03:34 ص

فضيله الشيخ محمد حسين يعقوب

6

نقطنا بسكاتك

بواسطة: مصرى

بتاريخ: الخميس، 03 مايو 2012 03:39 ص

ياعم انت اتلهى انت وابو اسماعيل كلكم شوية كذابين خربتوها الله يخرب بيوتكم

7

هذا المذيع محترم

بواسطة: alaa okbi

بتاريخ: الخميس، 03 مايو 2012 03:41 ص

هذا المذيع رجل محترم وكل ماقاله على حازم صحيح هو لم يتهم احد بل قال له اخرج ما لديك من اوراق وطبعا حازم لو كان عندى دليل واحد كان ولع فى مصر اتمنى ان المشايخ المحترمن يكونوا باخلاق الاستاذ ملهم

8

كله الا ده

بواسطة: عمار النجار

بتاريخ: الخميس، 03 مايو 2012 03:43 ص

حرام عليكم خوفتونا من الشيوخ وكل يوم تشوهوا شيخ شكل كمان نقلته علي احسن شيخ بعد ابي اسحاق الحويني دول احسن ناس مش ليهم مصلحة غير انهم يدعونا للجنة اتقوا الله في الكلمة بكرة نقف قدام ربنا

9

لا اله الا الله

بواسطة: محمد

بتاريخ: الخميس، 03 مايو 2012 03:46 ص

ياعم الشيخ مين قال لك ان الاعلامين اول من تسعر بهم النار انا معاك ان اكثر الاعلامين مش كويسين لكن اكيد فيهم ناس كويسين بردك ////////////بلاش ياعم الشيخ تفتى فى حاجات لا يعلمها الا الله /////////ربنا اللى بيحاسب الناس مش احنا وبلاش نفتى فى حاجات لا يعلمها الا الله

10

الله عليك يا شيخ يعقوب

بواسطة: hamada

بتاريخ: الخميس، 03 مايو 2012 03:51 ص

لقد قال الشيخ فوزى السعيد ان هذا الملهم مرشد من المرشدين لامن الدولة وملهم ده كذاب اشير اللهم ادخل شهداء العباسية الفردوس الاعلى

11

ياريت المشايخ لا يكونوا حطب لاشعال النار

بواسطة: مصرى حر

بتاريخ: الخميس، 03 مايو 2012 03:57 ص

التعليق فووووووووووووووووق

12

عنده حق

بواسطة: المصري

بتاريخ: الخميس، 03 مايو 2012 04:02 ص

عنده حق

13

بارك الله فيك ياشيخ يعقوب

بواسطة: محمد

بتاريخ: الخميس، 03 مايو 2012 04:11 ص

والله يا شيخ انت محق فى كلامك ربنا يرحمنا من هاولاء الاعلاميون الذين يشعلون النار فى الفضائيات

14

حبيبي الشيخ يعقوب

بواسطة: وليد حسن

بتاريخ: الخميس، 03 مايو 2012 04:27 ص

ربنا يعزك معاك حق يا شيخ محمد

15

الاستاذ ملهم العسوي . انت رجل محترم . واين اللين في القول يا شيخ يعقوب .

بواسطة: قاهري

بتاريخ: الخميس، 03 مايو 2012 04:28 ص

الاستاذ ملهم العسوي . انت رجل محترم . واين اللين في القول يا شيخ يعقوب .

16

حسبى الله

بواسطة: احمد مغيزل

بتاريخ: الخميس، 03 مايو 2012 04:33 ص

الشيخ يعقوب يهب فى وجه ملهم العيسوى وكانه هو الذى اذاع الخبر ما هذا هل هؤلاء هم دعاة الاسلام هل هذه اخلاقهم يتهم ملهم بالكذب لماذا لانه قرا خبر ثم اتصل به ليتحرى الصدق اتدرون لماذا لانه اصيب بفوبيا منذ غزوة الصناديق اللهم يارب افضح كل من لايسير على نهج النبى ولا يتحلى بخلقة ويدعى انه من الدعاة الى الله

17

فين كلمة الشيخ ان الإعلاميين اول من تسع بهم النار. يا كذابين يا افاكين

بواسطة: فين كلمة الشيخ ان الإعلاميين اول من تسع بهم النار. يا كذابين يا افاكين

بتاريخ: الخميس، 03 مايو 2012 04:33 ص

فين كلمة الشيخ ان الإعلاميين اول من تسع بهم النار. يا كذابين يا افاكين

18

راجل ياشيخ محمد

بواسطة: محمد

بتاريخ: الخميس، 03 مايو 2012 04:34 ص

راجل والله
وكلمته هذه لا بد أن توجهه الى كل الاعلاميين والصحفيين وليس ملهم العيسوى فقط

19

هو فين الكلام ده

بواسطة: eng

بتاريخ: الخميس، 03 مايو 2012 04:38 ص

فين الكلام اللى بيقول انهم تسعر بهم النار مقالش كده هو هاجم ملهم العيسوى فقط وياريت تتقوا الله فيما تنقلون

20

لا يا شيخ

بواسطة: M.Z.D

بتاريخ: الخميس، 03 مايو 2012 04:39 ص

وعلى كده ربنا بعتلك وحي وقالك أول من تسعر بهم النار يوم القيامه هم الإعلاميون وماقالكش في الوحي ده كمان إن اللي بيعمل الفتنه كمان هيكونوا معاهم ولا إنت كنت تبع الغزوه مكنتش بتعمل فتن ، طب والمنافين كمان هيروحوا فين واللي بيضللوا الناس بإسلامهم همّا مش إسلام ربنا بما يسمى إقامة شرع الله دول برضوا بروحوا فين ، روح يا شيخ ربنا ع الظالم والمفتري والمدعي

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع

الأكثر قراءة