بالصور والفيديو..البيطريون يعلنون العصيان للمطالبة بالاستقلال.. أطباء الغربية يهددون بالتصعيد..وفى الوادى الجديد يطالبون بالحفاظ على الثروة الحيوانية.. وفى البحر الأحمر ينادون بهيئة للإنتاج الحيوانى

السبت، 07 أبريل 2012 - 10:03 م

اعتصام البيطريين اعتصام البيطريين

كتب عبد الله صلاح - والمحافظات – الغربية عادل ضرة وبورسعيد ـ محمد فرج والوادى الجديد ـ ماهر أبو نور والبحر الأحمر ـ أحمد عوض

نظم العشرات من الأطباء البيطريين بمحافظات الغربية والوادى الجديد وبورسعيد والبحر الأحمر، وقفات احتجاجية للمطالبة باستقلال الطب البيطرى عن وزارة الزراعة وصرف حوافز الإثابة وغيرها.

جاء على رأس المتظاهرين العشرات من الأطباء البيطريين بالغربية الذين نظموا وقفة احتجاجية أمام ديوان عام المحافظة بطنطا اليوم السبت، للمطالبة بإعادة تكليفهم وفصل الطب البيطرى عن الزراعة، وإنشاء كيان منفصل وصرف حافز الإثابة للأطباء البيطريين وهددوا بتصعيد احتجاجاتهم فى حالة تجاهل الحكومة لهم.

ورفع الأطباء لافتات عليها مطالبهم منها: "إعادة تكليف الأطباء البيطريين بأثر رجعى"، و"صرف حافز الإثابة 100%بأثر رجعى"، و"الحمى القلاعية أنفلونزا الطيور مشاكل تهدد الاقتصاد المصرى"، و"مطالبنا المشروعة إعادة تكليف الأطباء البيطريين"، و"إنشاء كيان مستقل للطب البيطرى"، و"لا يعقل وجود بطالة بين الأطباء البيطريين".

وقام اللواء مصطفى بدر السكرتير العام المساعد لمحافظة الغربية، بالاجتماع بوفد منهم لبحث مطالبهم ووعد بعرضها على المستشار محمد عبد القادر محافظ الغربية لبحث سبل حل المشكلة مع المسئولين بالطب البيطرى والمسئولين بوزارة الزراعة.

وفى بورسعيد، نظم العشرات من الأطباء البيطريين بمديرية الطب البيطرى، وقفة احتجاجية أمام ديوان عام المحافظة، للمطالبة بحقوقهم المشروعة فى كيان مستقل للبيطريين، للحفاظ على الثروة الحيوانية من مرض الحمى القلاعية الذى يهدد الإنتاج الحيوانى من الماشية والأبقار والجاموس، وإعادة التكليف الأطباء الخريجين ورفع حافز الإثابة لــ 100%.

وقال الدكتور أحمد الخولانى عضو مجلس الشعب السابق للإخوان، ووكيل النقابة العامة للبيطريين، أن الهرم الوظيفى فى الطب البيطرى مقلوب منذ 94، وحتى وقتنا هذا مما يعرض الثروة للدمار، لعدم وجود أطباء لمواجهة تحصين الثروة الحيوانية، الذى يسع لتدميرها وزير الزراعة، الذى يسمح باستيراد الحيوانات التى تحمل الوبائيات منذ 2006 وحتى 2012، على حد قوله.

كما ناشد الدكتور محمد أبو عوف، رئيس اللجنة النقابية للعاملين بمديرية الطب البيطرى ببورسعيد، الدكتور كمال الجنزورى رئيس الوزراء، سرعة تكليف الأطباء، وفصل البيطريين عن وزارة الزراعة، وتثبيت الأطباء الذين يعملون بالعقود للحفاظ على الثروة الحيوانية بمصر.

كما طالب العشرات من البيطريين بالوادى الجديد، بفصل واستقلالية قطاع الطب البيطرى عن وزارة الزراعة وإنشاء كيان مستقل له بالوزارة، كما طالبوا بإعادة التكليف للأطباء البيطريين بالعمل وبأثر رجعى، وخاصة فى ظل ما تعانيه الدولة من نقص شديد فى عدد الأطباء البيطريين.

وتجمهر أطباء قطاع الطب البيطرى بالمحافظة أمام مقر الديوان العام وتضامن معهم عدد كبير من طلاب كلية الطب البيطرى بالوادى الجديد وأعضاء هيئة التدريس والذين قاموا بحمل لافتات تتضمن تلك المطالب، مؤكدين على سلمية وقفتهم وعدم تعطيلها لحركة العمل فى ظل انتشار مرض الحمى القلاعية بقرى ومراكز المحافظة.

وقال الدكتور ناجى محمد عوض النقيب الفرعى للأطباء البيطريين بالمحافظة لـ"اليوم السابع" إن محافظة الوادى الجديد تعانى نقصا شديدا فى عدد الأطباء البيطريين، والذين لا يزيد عددهم عن 68 طبيبا يغطون مراكز وقرى المحافظة المترامية الأطراف، ويخدمون 257 ألف رأس من الماشية وهو ما يجعل الطبيب رئيس الوحدة، لأن يقوم بكل أعمال الوحدة بما فيها الخدمات المعاونة وقيادة السيارة وتحصين الماشية، بالإضافة لتعرضهم للعدوى بالأمراض التى يعالجون منها رؤوس الماشية ومنها البيروسيلا وغيرها من الأمراض الخطيرة.

وأضاف الدكتور سعد سليمان المتحدث الإعلامى للنقابة أن القرار رقم 197 الذى أصدره وزير الصحة لتحسين أوضاع الأطباء والصيادلة لم يشتمل البيطريين وهو ما يعنى التهميش الكامل لهم وعدم الاعتراف بما يقومون به من دور الأمر الذى استدعى للمطالبة بعمل وزارة للثروة الحيوانية حفاظا عليها وتحسينا لأوضاع البيطريين.

والتقى العقيد تامر سعيد مدير عام مكتب اللواء طارق مهدى محافظ الإقليم بالأطباء المحتجين، بقاعة اجتماعات المحافظة وذلك لمناقشة مطالبهم وبحث كيفية رفع تلك المطالب للجهات المختصة للنظر فيها بعين الاعتبار، وهو ما أكده مدير مكتب المحافظ، مؤكدا على أن المسئولين بالمحافظة يعتبرون الأطباء البيطريين من أهم الفئات التى يعتمد عليها المجتمع ولا يمكن تجاهل دورهم وأنه سيتم التحرك بشكل جاد نحو تنفيذ تلك المطالب.

وفى الغردقة، نظم العشرات من الأطباء البيطريين أعضاء نقابة الأطباء البيطريين بالبحر الأحمر وقفة احتجاجية أمام مبنى ديوان عام المحافظة للمطالبة بفصل تبعيتهم لوزارة الزراعة، خاصة بالطب البيطرى وإنشاء هيئة للإنتاج الحيوانى برئاسة طبيب بيطرى، كما طالبوا بتعيين المؤقتين وإعادة تكليف الأطباء البيطريين الذين لا يعملون حتى الآن.










تعليقات (14)

1

a

بواسطة: Ahmed Ayyad

بتاريخ: السبت، 07 أبريل 2012 10:09 م

والله عندهم حق,,لا انسان ولا حيوان ولا حتي الطبيب عارف يعيش ,حصلك ااه يا بلد.

2

انشاء المجلس الاعلى او القومى للثروة الحيوانية و السمكية

بواسطة: مرتضى

بتاريخ: السبت، 07 أبريل 2012 10:36 م

انشاء المجلس الاعلى او القومى للثروة الحيوانية و السمكية ويكون رئيسه بدرجة وزير وانشاء اكاديمية للعلوم البيطرية والسمكية اومعهد قومى للبحوث البيطرية يضم معهد بحوث الحيوان وغيرها وقناة متخصصة فى توعية المربين للحفاظ على الثروة الحيوانية والسمكية وانشاء اتحاد بيطرى لدول حوض النيل ونريد مجمع صناعى كبير فى اسوان لصناعة اللحوم القادمة من السودان لتكون اسوان مركز عالمى لصناعة اللحوم والتصدير منها لافريقيا ويكون بها معهد البحوث البيطرية

3

I a gree

بواسطة: Dr.Emad

بتاريخ: السبت، 07 أبريل 2012 11:02 م

I totally agree with the veterinarian. I hope they start to become an Independent.

4

حيوانات الفلاحين ماتت وأنتوا عايزين الحافز

بواسطة: فوزي عبد الله

بتاريخ: السبت، 07 أبريل 2012 11:10 م

الفلاح من سنين ميقدرش يقرب على وحداتكم البيطرية لانها فاضيه مفهاش علاج ولو غلط وراح هيدفع دم قلبه لصندوق كذا وكذا وكذا وهيروح يشتري العلاج من أوكاركم ويلطف بيه ربنا والحمى القلاعيةاللي خربت بيوت الفلاحين مليتوا شنطكم منها فلوس وأيه اللي عملتوه الحيوانات مرميه في الترع والجميلات دول اللي عايزين حافز يسيبوا الفلاحين في كوارثهم

5

معكم للنهايه

بواسطة: طبيبه بيطريه

بتاريخ: الأحد، 08 أبريل 2012 12:07 ص

التكليف باثر رجعي انا دفعه 2002 و لم اعمل حتي الان

6

عاشقة للمحروسة

بواسطة: فيفي

بتاريخ: الأحد، 08 أبريل 2012 12:41 ص

يارب الامن الوطني يشوف شغلو ويشوف الناس دي مين الي بيحركها يعني سنين وانتم ساكثين والان مافيكم تصبرو لغاية اوضاع البلد ماتتصلح

7

ردا على تعليق 4

بواسطة: طبيب بيطرى

بتاريخ: الأحد، 08 أبريل 2012 01:51 ص

ليه مسألتش نفسك مين السبب فى كل المشاكل دى .. هل احنا راضين عن اللى بيحصل دا وهل دا شئ يشرفنا .. السبب الاساسى هو عدم اعطاء اى اهمية للطب البيطرى قبل الطبيب البيطرى من وزارة الزراعة وارجاء مهام الطب البيطرى لغير البيطريين .. يعنى المسئول عن الطب البيطرى والثروة الحيوانية فى مصر مهندس زراعى بالاضافة لعدم اعطاء اى اهتمام للبيطريين ولا اشراكهم فى اى قرار خاص بالثروة الحيوانية علشان كدا حنا بنطال بفصل الطب البيطرى عن وزارة الزراعة ودا من أول مطالبنا علشان مصلحة البلد واقتصاد البلد اللى اتدمر بسبب اهمال الثروة الحيوانية .. الطب البيطرى قبل ما يكون خدمة علاجية فهى فى البداية مصدر مهم لاقتصاد البلد ..

8

رد على صاحبة التعليق رقم 6 العاشقة فيفى

بواسطة: خالد المصرى

بتاريخ: الأحد، 08 أبريل 2012 03:27 ص

لو كنتى حصلتى على 97% ودخلتى كلية طب بيطرى واتعميتى فيها دراسة ومذاكرة وبعدين انتظرتى 10 سنين من غير شغل فى الوقت اللى ثروة بلدك المحروسة بتدمر وبتخسر مليارات بسبب عجز فى الاطباء البيطرين وبسبب تدمير وزارة الزراعة للثروة الحيوانية والداجنة واهمالها الجسيم للطبيب البيطرى الذى لم يعد يساوى دبلوم تجارة من امثالك يعمل بالواسطة فى وزارة الكوسة لو كان عندك ادنى ثقافة ايها العاشقة فيفى ما كنتى كتبتى هذا التعليق حقا لا جديد بعد الثورة طالما فيه امثالك من العاشقين

9

أهل مكة أدرى بشعابها

بواسطة: د/طارق يوسف

بتاريخ: الأحد، 08 أبريل 2012 07:16 ص

لابد أن تدار الثروة الحيوانية بطريقة علمية بدلا من استيراد اللحوم والدواجن من شتى بقاع الأرض وأذكركم بأنة فى يوم من الأيام كان وزير التربية والتعليم طبيب بشرى وانتم تعلمون مدى انهيار التعليم الآن ولا يجوز ان يكون المسئول عن الثروه الحيوانية مهندس زراعى مع احترامى الكامل لهم

10

اليوم السابع

بواسطة: اسراء عبدالله

بتاريخ: الأحد، 08 أبريل 2012 09:43 ص

كل اللى بيحصل فينا ده من امراض وبطاله وجهل وعدم فهم بسبب فشل التعليم فى بلادنا مع الوعى الكامل بوجود تلك المشكله لكن للاسف مافيش اى حل كل اعتمادنا (الطلاب واولياء الامور والمدرسين هو اننا نصم الى بناخده ونكمل حياتنا على حسب نتيجة الصم ده ) قبل اى حاجه نعملها هو ان نغير رساله التعليم نخليها ابتكار وتتطور وفهم وحب وعلى فكره ده مش صعب .

11

مين مصلحته ان إقتصاد مصر يتدمر ؟؟

بواسطة: أيمن مطر

بتاريخ: الأحد، 08 أبريل 2012 11:23 ص

مين اللي دخل الأسمدة والهيرمونات المسرطنة في مصر؟؟؟

مين اللي خلا الفاكهة الحلوة بتاعت زمان زي الفرولة والمشمش والبطيخ وكل الفواكه بقى مالهاش لا طعم ولا ريحة ؟؟؟

مين اللي بوظ القطن المصري المشهور بإنه من اجود انواع القطن ؟؟؟

مين ومين ومييييين ؟؟؟؟؟؟

مش كل ده المسؤول عنه وزارة الزراعة ؟؟؟

يبقى ازاي يخلوا وزارة فاسدة دمرت اقتصاد مصر في الزراعة تتحكم كمان في الثروة الحياونية لمصر ؟؟!!

مين اللي ليه مصلحة في كده !!!!

12

تكليف البيطريين

بواسطة: سمسم

بتاريخ: الأحد، 08 أبريل 2012 12:32 م

يجب اعادة تكليف الاطباء البيطريين فلا يعقل ان يكون هناك نقص فى الاطباء ادى الى سوء الخدمة البيطرية مع العلم انهم موجودون وبهم بطالة!!!!!!!!!!!!!!
لماذا لا يتم تعيينهم ؟؟!! فيجد الفلاح من يراعى حيواناتة وطيوره ويرشده ويعلمه افضل اساليب التربية والعلاج !!!!
الجامعات المصرية تخرج سنويا ما يقارب 1500 طبيب وهذا رقم صغير جدا بالنسبة للتخصصات الاخرى فلماذا نتجاهل تعيينهم بحجة الميزانية ، فما سيعود على البلد من تعيينهم اكثر بكثير وافضل للمصريين وللاقتصاد المصرى.

13

كلنا (نعمل من اجل المحروسة)

بواسطة: د نهلة

بتاريخ: الإثنين، 09 أبريل 2012 10:10 م

فعلا الثروة الحيوانية ضاعت ولكن لاننا مسؤلين من وزارة الزراعة التى تكبلنا عندنا هيئة عامة للخدمات البيطرية تابعة لوزارة الزراعة (الوزير مهندس زراعى لا علاقة له بالطب البيطرى ) وعندنا كليات الطب البيطرى وعندنا معهد البحوث والامصال ومعامل اقليمية على مستوى المحافظات كل هؤلاء يعملون ولكن للاسف لا يوجد تنسيق بينهم لا توجد وزارة تجمع كل هؤلاء وتنسق العمل بينهم من اجل هدف واحد هو الثروة الحيوانية وصحة الانسان المصرى لا يوجد اشراف بيطرى على السلع الغذائية ذات الاصل الحيوانى من اجل صحة المواطن فى ظل انعدام الضمير مطالبنا ليست فئوية وليس الهدف منها مادى والبيان الصادر من النقابة العامة للاطباء البيطريين يحمل مطلبين اساسين هما
اولا انشاء وزارة مستقلة للطب البيطرى
ثانيا اعادة تكليف الاطباء اسوة بزملائنا البشريين لحاجة البلد اليهم فى الوقت الذى نعانى فية من نقص شديدفى عدد الاطباء
لو صح الطب البيطرى فى مصر لصحت حياة الانسان المصرى
طبيبة بيطرية وافتخر

14

تكليف الاطباء البيطريين

بواسطة: حافصة علم

بتاريخ: الأحد، 22 أبريل 2012 05:57 م

بسم الله انا متخرجة 2011 بتقدير جيد جدا مع مرتبة الشرف العشرين الاوائل على كلية الطب البيطرى مشتهر بنها الحمد لله وعدونا احنا هنتعين بمراكز البحوث والمعامل او فى المستشفى تبع الكلية وطبعا الكلام دة ما حصلش حتى الان ووعدونا ايام الثورة ان التكليف هيرجع و فعلا ما رجعش وهى دى النتيجة حمى قلاعية جديدة و لسة يا ما هتشوفوا يا اهل مصر هو احنا غلطتنا اننا دخل كلية الطب البيطرى علشان نقعد فى البيت ما كنا دخلنا اى معهد صحى او تمريض بالمجموع العالى وكنا زمنا شاغليين وبنقبض طبعا فلوس ولا احنا غاويين ممرمطة و دراسة علشان فى الاخر نقعد جنب اهالينا اللى صرفوا علينا دم قلبهم علشان نتعلم ودى اخرة العلام العالى على فكرة انتوا شوهتوا سمعتنا خالص فى مصر دا لو برة كنا زمنا اتخطفنا قبل ما نتخرج و اشتغلنا وبعدين احنا مش اقل من بتوع البشرى والصيدلة والمعاهد الصحية والاسنان والطبيعى اللى بمجرد ما يتخرجوا يتعينوا فورا حكوميا بل بالعكس احنا اهم من كل دوول لان الطب البيطرى بيدرس بس المواشى ولكن يشمل الدواجن والالبان والحوم والحجر البيطرى الى هو السبب فى دخول الحمى القلاعية الجديدة والادوية والتحاليل و التشريح والاسماك و المراض المعدية والله احنا بندرس مواد احسن من بتوع البشرى وكل حاجة وضيعنا 5 سنين فى الكلية و3 بتوع الثانوية ومصاريفهم الى اطمت وسطنا حرام عليكم بقى لا و كمان الصيادلة زاعلنين ان احنا نفتح معمل تحاليل امل نعمل بس حرام دا الواحد منا ينزل يدور على شغل ويتمرمط هنا وهناك ووسطة وشغلانة سودة على ما يشتغل وفى الاخر ما يلاقيش وياريت لو الحكومة بتفكروا فينا اول حاجة يعملوا وزارة خاصة بالطب البيطرى مش نبقى تبع وزارة الزراعة الى واغدين مكاننا فى الشغل واللى بيدخلوا الكلية ب60% وتانى حاجة فورا يرجعوا التكليف بتاعنا وكل يقعد فى المكان الى يليق بة سواء بنين او بنات و الا هيفضل شكلنا وحش ونظرة الناس لينا مش هتتغير والله يا جماعة احنا ناس كويسين بس ادونا فرصة دة لو عايزين الثورة تنجح بجد ونبقى بلد متحضرة راقية بعلمائها و شعبها ويا ريت كلامى دة يوصل لكل دكتور بيطرى فىمصر وتضم صوتكم لصوتى لنغير مفهوم الطب البيطرى فى مصر

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع

الأكثر قراءة

الأكثر تعليقاً