صحفيون ونشطاء بالإسكندرية يتهمون "مرسى" وأنصاره بالاعتداء عليهم

الأربعاء، 25 أبريل 2012 - 01:31 ص

محمد مرسى محمد مرسى

الإسكندرية - جاكلين منير

حرر 4 صحفيين بالإسكندرية محضراً، يحمل رقم 1980 لسنة 2012 إدارى العطارين، بقسم شرطة العطارين مساء الثلاثاء، ضد الدكتور محمد مرسى المرشح لرئاسة الجمهورية، وأنصاره، بعد اعتداء لجنة النظام المنوطة بتأمين مؤتمره الجماهيرى على مقدمى البلاغ، وتضامن معهم عدد من إعلامى محافظة الإسكندرية.

كان المراسلون قد توجهوا إلى منصة المؤتمر الكائن بميدان محطة مصر للتغطية الإعلامية، إلا أن لجنة النظام قد فرضت إجراءات صارمة ومشددة حول المنصة لمنع دخول أى شخص، وأثناء محاولة نسرين فؤاد مراسلة قناة النهار ومراسلة ANA ومحمد نصر مصور فى جريدة البديل والزميلة هناء أبو العز مراسلة "اليوم السابع" وعدد آخر من الصحفيين المرور عبر البوابة قام أعضاء اللجنة بمنع الصحفيين والإعلاميين بحجة أنهم تأخروا على المؤتمر وطلبوا منهم إحضار تصريح للدخول.

وعندما حاول الصحفيون الدخول تجمع حولهم رجال اللجنة التنظيمية وقاموا بالاعتداء عليهم بالسب والضرب، وعندما علم أعضاء المكتب الإدارى للإخوان المسلمين بالإسكندرية اعتذروا للصحفيين على المنصة، مؤكدين أن سبب ما حدث هو سوء التنظيم والازدحام.

من ناحية أخرى، حرر عدد من النشطاء السياسيين محضراً برقم 1979 بتاريخ 24 إبريل 2012 إدارى العطارين ضد حملة محمد مرسى اتهموهم فيه بالاعتداء عليهم إثناء عقد المؤتمر الانتخابى لمرشح حزب الحرية والعدالة بميدان الشهداء "محطة مصر"، حيث كان يقف النشطاء السياسيين (عماد سينوت ومحمد مفتاح وأحمد طه وسها كمال وطارق أبو كيلية) يحملون "كاوتش استبن" فى إشارة إلى محمد مرسى كمرشح احتياطى لجماعة الإخوان المسلمين بعد استبعاد المهندس خيرت الشاطر المرشح الأول للجماعة، ورددوا هتافات ضد جماعة الإخوان والمرشد، قائلين "يسقط يسقط حكم المرشد"، وقاموا بتوزيع منشورات ضد جماعة الإخوان وخيانتها للثورة و محاولات إجهاضها.

تعليقات (64)

1

الاستبن

بواسطة: محمد

بتاريخ: الأربعاء، 25 أبريل 2012 01:39 ص

العجلة نامت والاستبن طلع نايم اعمل اية ياعم الحاج

2

هولاء ليسوا صحفين او نشطاء انهم بلطجية

بواسطة: aa

بتاريخ: الأربعاء، 25 أبريل 2012 01:40 ص

هولاء ليسوا صحفين او نشطاء انهم بلطجية

3

كز معايا وركز في كلامي

بواسطة: محمد يوسف علام

بتاريخ: الأربعاء، 25 أبريل 2012 01:43 ص

في ناس بتشتغل لمصلحة هذ الوطن وفي ناس بتحارب الناس اللي بتشتغل لمصلحة هذا الوطن .....حسبنا الله ونعم الوكيل

4

ومازالت الحرب مستمره على الاسلاميين

بواسطة: مصطفى على

بتاريخ: الأربعاء، 25 أبريل 2012 01:43 ص

ابو اسماعيل الاقرب شن الاعلام عليه هجوما قزرا ثم خيرت الشاطر وبعد خروجهم تبقى محمد مرسى سر الهجوم انه قال ان الاسلام هو الحل والله لو قال الليبراليه هى الحل لحملوه على الاعناق وجعلوه رئيسا قبل ان يكن هى ليست حرب على محمد مرسى ولاكنها حرب على الشريعه قل موتو بغيظكم

5

يستاهلوا

بواسطة: وائل المصري

بتاريخ: الأربعاء، 25 أبريل 2012 01:51 ص

والله كل الإعلام الفاسد ده ميستاهلش غير الضرب بالجزم , وكل واحد يقل أدبه أو يتطاول ياخد فوق دماغه , الإسلاميين تساهلوا في حقهم لغاية ما الحثالة تطاولوا عليهم وعلى الإسلام , كل واحد يلزم حدوده بعد كده . أنشر ياللي بتنشر !!

6

لو حر بجد يبقى تنشر

بواسطة: ثورجي مش ساويرسجي

بتاريخ: الأربعاء، 25 أبريل 2012 01:53 ص

يعني السادة الصحفيين كانوا عاوزين يدخلوا بالعنف؟؟ والسادة النشطاء كانوا بيستفزوا الحضور؟؟ طب ومحمد مرسي ماله بقى؟؟؟ دي جماهير حرة زيها زي غيرها؟؟ ولا اللي انتوا تسموهم نشطاء مواطنين درجة أولى وبقية الشعب مش نشطاء ودرجة تانية؟؟برضو جماهير الإخوان نشطاء وليهم دور سياسي عاجبكم أو مش عاجبكم لازم تحترموه...انتو بتقولوا أعضاء الأحزاب الفاشلة مواطنين درجة أولى وأي واحد مختلف معاهم مواطن درجة تانية...الإخوان بقى بيقولوا إن كلنا مصريين لينا نفس الدرجة والحقوق... وعشان كده هنتخب الإخوان...اللي انتو مش عارفينه إن انتو بالشكل ده بتزودوا شعبية الإخوان....مبروك الرئاسة مقدما للسيد الرئيس الدكتور محمد مرسي

7

غلطانين

بواسطة: ahmed

بتاريخ: الأربعاء، 25 أبريل 2012 01:57 ص

الاخوان لو كانوا ضربوكم يبقوا غلطانين المفروض تتنفخوا يا ولاد التيت الناس ضيوف عليكم تقوموا تهينوهم وبعدين يا أخى مش عاجبك مرسى اختار اى حد تانى لكن اهانة وقلة ذوق كدا يبقى عيب ولا يليق بأبناء اسكندرية اللى نعرف انهم رجالة وجدعان ويكرموا ضيوفهم على العموم مع انى لحد النهاردة كنت حنتخب اى حد اسلامى غير الاخوان بس الظاهر ان ما فيش حد غيرهم شغال وهو دا اللى مجنن البعدا ومش شايف حد منهم لا خون ولا شتم والكل عمال يشلت لهم عشان كدة انا حنتخب اى حد منهم ان شاء الله حتى لو المرشد بتاعهم

8

الواضح ان الفترة القادمة سيزداد دعم الناس لمشروع النهضة

بواسطة: يحيي رسلان

بتاريخ: الأربعاء، 25 أبريل 2012 01:58 ص

الاخوان اجدر التيارات لقيادة مصر المرحلة القادمة واكاد اجزم انهم لو اعتلوا القيادة فلن ينزلوا منها مطلقا وبارادة الناس ايضا

9

لو حر بجد يبقى تنشر

بواسطة: ثورجي مش ساويرسجي

بتاريخ: الأربعاء، 25 أبريل 2012 01:58 ص

يعني السادة الصحفيين كانوا عاوزين يدخلوا بالعنف؟؟ والسادة النشطاء كانوا بيستفزوا الحضور؟؟ طب ومحمد مرسي ماله بقى؟؟؟ دي جماهير حرة زيها زي غيرها؟؟ ولا اللي انتوا تسموهم نشطاء مواطنين درجة أولى وبقية الشعب مش نشطاء ودرجة تانية؟؟برضو جماهير الإخوان نشطاء وليهم دور سياسي عاجبكم أو مش عاجبكم لازم تحترموه...انتو بتقولوا أعضاء الأحزاب الفاشلة مواطنين درجة أولى وأي واحد مختلف معاهم مواطن درجة تانية...الإخوان بقى بيقولوا إن كلنا مصريين لينا نفس الدرجة والحقوق... وعشان كده هنتخب الإخوان...اللي انتو مش عارفينه إن انتو بالشكل ده بتزودوا شعبية الإخوان....مبروك الرئاسة مقدما للسيد الرئيس الدكتور محمد مرسي

10

الاخوان اكبرمن انهم يعتدوا ع اى شخص مش اسلوبهم

بواسطة: ابن الحته

بتاريخ: الأربعاء، 25 أبريل 2012 02:03 ص

هتروحو من ربنا فين ياللى بتفتروا عالناس المحترمة حسبى الله ونعم الوكيل فى كل من افترى على الاسلاميين يابن ادم راعى ضميرك وارضى ربك قبل ان ترضى عباده كفاكم كذب وافتراء على الاسلامييين دا كلو حقد ليه هتروحو من ربنا فين ربنا يهديكم

11

طفيليات الثورة

بواسطة: خالد

بتاريخ: الأربعاء، 25 أبريل 2012 02:06 ص

من حقك ترفض
من حقك تمتنع عن اختيار شخص ما
من حقك تعبر عن رايك

لكن مش من حقك ابدا : التطاول - قلة الأدب - الهمجية - التجريح

لكن سؤال أخير : انت رافض محمد مرسى ليه رايح هناااااااااااااااك وتهتف ضدهم

؟؟؟؟؟؟؟؟؟؟؟؟؟
واسأل نفسك لو انت مع اي حملة هاتعمل ايه لو حد جالك في مؤتمرك وقل أدبه ؟

12

مش عارف محمد مرسى قاهركم ليه

بواسطة: أحمد

بتاريخ: الأربعاء، 25 أبريل 2012 02:15 ص

والله لمنتخبه

13

ده اللى ناقص

بواسطة: محمد

بتاريخ: الأربعاء، 25 أبريل 2012 02:15 ص

يلا بالمره عايزين يطيروا محمد مرسى من انتخابات الرئاسه
محاوله قذره ورخيصه لتعطيل مرشح محترم
واحب اقول للمعارضين
قل موتوا بغيظكم

14

افففففففففف

بواسطة: محمود

بتاريخ: الأربعاء، 25 أبريل 2012 02:15 ص

امال لو كان رئيس

15

الوجه الآخر للحزب الوطنى

بواسطة: محمود

بتاريخ: الأربعاء، 25 أبريل 2012 02:17 ص

الإخوان المسلمين هم وللأسف الشدبد الوجه الآخر للحزب الوطنى المنحل ولكن بعباءة الدين . أللهم إرحم المصريين من كل المتاجرين باسم الدين .

16

كذب كبير

بواسطة: waleed

بتاريخ: الأربعاء، 25 أبريل 2012 02:18 ص

الخبر ده فيه كذب كبير انا كنت موجود واللي كانوا واقفين يستفزوا الاخوان شوية شباب من 6 ابريل شكلهم غلط وهما اللي استمروا يشتموا الاخوان بالفاظ سيئة وسب دين والاخوان كانوا يقفون كحاجز بشري حتي لا يعتدي عليهم احد
اتاكدوا من الخبر قبل النشر

17

انا من الشرقيه

بواسطة: د/ ياسر

بتاريخ: الأربعاء، 25 أبريل 2012 02:18 ص

يوجد الف شاب مدرب من حوالى 10 محافظات يلفوا حول د /محمد مرسى فى جميع مؤتمراته يعطوا زخم جماهيرى ويعطوا ايحاء بزياده العدد .......وهذا قمه النفاق والخداع .......اللهم نجنا من الاخوان واموال ايران وقطر........آميييييييييييييييييييييييين

18

عيش

بواسطة: واحد من الناس

بتاريخ: الأربعاء، 25 أبريل 2012 02:26 ص

عيش حريه عداله اجتماعيه علي ما اعتقد ان دي مبادي الثوره ولكن كل يوم يتحقق انه لم تقوم في مصر ثوره ولكن تغييير مسميات فقط استبدلا الحزب الوطني بالحريه والعداله استبدلا حسني مبارك بالمرشد زكريا عزمي بالبلتاجي فتحي سرور بالكتاتني مفيد شهاب بعصام سلطان وغيره وغيره وغيره ومن ده كتير وربنا يستر علي البلد

19

خبر كاذب

بواسطة: مصطفى

بتاريخ: الأربعاء، 25 أبريل 2012 02:38 ص

شوفنا فى المؤتمر كل الصحفيين لهم مطلق الحريه ويتحركون وليست عليهم اى قيود بل العكس لهم كل التسهيلات اما بتوع الكاوتش فلو كانو فعلا هناك فده منهى الاستفزاز فلك الحق ان ترفض مرسى لكن ان تجرح فى الناس فهذا لا يجوز

20

الاخوان اشترت البلد شعب وشورة وعايزيين رئاسة يا خى ؟؟؟؟؟؟؟؟؟؟

بواسطة: egypt

بتاريخ: الأربعاء، 25 أبريل 2012 02:48 ص

الاخوان لو عايزة الرئاسة رغم انهم كاذبون تترك مجلس الشعب والشورة

الاخوان كاذبون ====الاخوان كاذبون ====الاخوان كاذبون ====الاخوان كاذبون ====الاخوان كاذبون ====الاخوان كاذبون ====الاخوان كاذبون ====الاخوان كاذبون ====الاخوان كاذبون ====الاخوان كاذبون ====الاخوان كاذبون ====الاخوان كاذبون ====الاخوان كاذبون ====الاخوان كاذبون ====

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع

الأكثر تعليقاً