صفحة "آسف يا ريس" على "فيس بوك": مرسى حمل "مبارك" مسئولية حوادث القطارات واليوم يدير ظهره عنها.. وتؤكد: نتحدى مرسى أن يعترف بمسئوليته عن حوادث الـ4 أشهر الماضية

الإثنين، 12 نوفمبر 2012 - 02:14 ص

د. محمد مرسى د. محمد مرسى

كتب-عماد عرفة ومحمد محسوب

هاجمت صفحة "آسف يا ريس" إحدى الصفحات المؤيدة للرئيس المخلوع حسنى مبارك على موقع التواصل الاجتماعى "فيس بوك"، موقف الرئيس مرسى من حادثة قطار الفيوم أمس الأول، والتى لقى خلالها 3 مصرعهم وأصيب 46 آخرين، وقامت الصفحة بالربط بين موقف الرئيس مرسى من حادث قطار الصعيد عندما كان فى ذلك الوقت نائباً بالبرلمان بأنه حمل الرئيس المخلوع مبارك المسئولية الكاملة عن الحادث وحكومته والآن أدار ظهره للحادث على - حد قولهم.

وقال القائمون على الصفحة "من عجائب القدر أن من وقف بالأمس لاستجواب أعضاء الحكومة المسئولين عن حادث قطار الصعيد وأتهمهم بالآهمال والتقصير وحمل الجميع مسئولية الحادث بما فيهم الرئيس مبارك هو نفسه من أدار ظهره اليوم لحوادث القطارات التى تحدث كل يوم فى عهده بداية من قطار إمبابة والبدرشين وصولاً لحادث قطار الفيوم الأليم هو نفسه من أدار ظهره لسيناء وشهدائنا الذين يقتلون يومياً هناك، هو نفسه من أدار ظهره لموقعة الجمل الثانية! هو نفسه من أدار ظهره لكثير من الكوارث التى وقعت فى عهده وفى فترة لا تتعدى 4 أشهر فقط.

وأضافوا ولكن يوم أن تحدث الرئيس محمد مرسى فى هذه الجلسة بمجلس الشعب حينها كان آخر طموحاته وأحلامه أن يكون رئيساً لحزب الحرية والعدالة ما كان يتوقع أن يلعب الحظ لعبته ويصبح رئيساً لمصر.

وتحدى القائمون على الصفحة" أن يقف الرئيس "مرسى" مثل هذه الوقفة التى وقفها من قبل بمجلس الشعب ويحمل نفسه مسئولية كل الحوادث والكوارث التى حدثت فى عهده طيلة 4 أشهر الماضية، كما كان ينادى ويهتف ويطالب بتحميل مسئولية حادث قطار الصعيد للنظام السابق.

كما قال القائمون على صفحة محبى مبارك، إن "محمد مرسى أيام ما كان عضو مجلس شعب 2000-2005 وأيام حادثة قطار الصعيد حمل الرئيس حسنى مبارك المسئولية كاملة وعمل استجواب لأعضاء الحكومة آنذاك، المهم أن من ساعة ما مسك الحكم حصلت حوادث فى 4 أشهر للقطارات ماحصلتش طول الثلاثين عاماً، وآخرهم امبارح كارثة كبيرة.. الأهم بقى أن سيادته ولا أتكلم ولا أقال وزير النقل والطرق وهو طبعاً غير مسئول أطلاقاً لأن الرئيس مبارك كان بيدى أوامر بالحوادث وساعات كان هو بيسوق بنفسه.. أما مرسى ف يا عينى قاعد فى البيت ودة قضاء وقدر.. البقية فى حياتك يا دكتور".





تعليقات (31)

1

الحق ما شهدت به الاعداء

بواسطة: احمد

بتاريخ: الإثنين، 12 نوفمبر 2012 02:49 ص

رغم اني معارض للناس ده ولكن هعتبر نفسي عضو مجلس شعب منحل أنهم قالوا وخير القول قول العارفين مخطئ من ظن يوما أن للثعلب دين

2

انا اسف يا ريس مبارك

بواسطة: محمد

بتاريخ: الإثنين، 12 نوفمبر 2012 03:45 ص

فعلا كل يوم يثبت ان مبارك كان جدير باءنه يمسك البلد دى واتعلم منه مش عيب يا مرسى بس للاسف بعد ايه البلد راحت فى داهيه وانا اسف يا ريس تانى

3

الى رقم 1

بواسطة: محمد

بتاريخ: الإثنين، 12 نوفمبر 2012 03:46 ص

الحق ماشهدت به الاعداء يقال فى حق شهاده الاعداء بالخير لعدوهم مثل ان يعترف عدوك بشجاعتك او صدقك او اى صفه حميده فيك وليس معناها ذمه لك لان الطبيعى ذمه لك توضيح ليس اكتر شكرا

4

فخامة الرئيس

بواسطة: ahmed.osman

بتاريخ: الإثنين، 12 نوفمبر 2012 03:49 ص

فخامة الرئيس أعزك الله ونصرك على أعداء الداخل والخارج سيدى الرئيس كلنا نعلم ان هذه الكوارث كلها كوارث مفتعلة من خدامين مبارك وشفيق بالنسبه لكوارث حكم الفاسد كانت كوارث أهمال وكانت بالآمر المباشر منه شخصيا لانه كان بينفذ أوامر الصهينة مبارك تسبب فى خراب مصر دمرها بأربعة قنابل نووية حسبى الله ونعمه الوكيل فيه خدام الصهينة موتوا بغظكم ياخدامين النظام الفاسد .. ونصرك الله فخامةالرئيس / محمد مرسى على اعداء الوطن من الداخل والخارج

5

بصراحة جامدة!!!!!

بواسطة: Emad

بتاريخ: الإثنين، 12 نوفمبر 2012 04:01 ص

ياريت الناس تفوق و تفهم!!!!
بس أهم حاجة شوية الكيمياء و انصهار الحديد عند 1539....... و بنقوله مكانك مش هنا!!!!!!!!!!

6

هو ليييييييييه مفيش أخوان ؟

بواسطة: محمد القاضى

بتاريخ: الإثنين، 12 نوفمبر 2012 04:43 ص

سؤال بس بسيط - ليه مفيش أخوانى كاتب كومنت ؟؟
لما تبقى مع رئيسك بتدافع عنه ف كل الحلات ومش قادر أنك تدينه
يبقى أعرف انك لسة ف عصر قديم أوى على عقلك و أهملت القيمة العليا الى ربنا ادهالك
التفكير - وبقيتوا مشغولين ب التكفير

7

شرف للسيد الرئيس

بواسطة: hoes

بتاريخ: الإثنين، 12 نوفمبر 2012 04:56 ص

شرف للسيد الرئيس ان صفحة انا اسف يا ريس تهاجمو وتبين من اعداء الثورة الفلول ومنهم الرجل اللى بيجى على دريم اللى حاول يشوة صورة الاسلام

8

فخامة الرئيسahmed.osman

بواسطة: essam abdalla

بتاريخ: الإثنين، 12 نوفمبر 2012 04:59 ص

المعلم الكبير اوي ahmed.osman
ابوس ايدك تقلي صنف الحشيش اللي مشغل دماغ معاليك العاليه
بتجيبه مننين علشان انا بضرب في صنف زباله مش بيجيب معايا

9

الى التعليق رقم 4

بواسطة: محمد حسنى مبارك

بتاريخ: الإثنين، 12 نوفمبر 2012 05:27 ص

ربنا يشفيك ويخليلك رئيسك المقضيها فى الجوامع

10

وانت مسئول ايضا - انظر علي صفحتك علي الفيس بوك

بواسطة: مهندس / ماهر مصطفي سليمان

بتاريخ: الإثنين، 12 نوفمبر 2012 05:38 ص

من لحماية الشعب من حوادث القطارات ؟ من يلزم وزير الكهرباء لتنفيذ قرار الجهاز المركزي للمحاسبات بخصوص بحث ميداني تنفيذ مشروع تحديد اتجاه ثابت لتتابع وتوافق الاوجه بشبكة الجهد المنخفض والمتوسط وذلك لمعالجة ملاحظات الجهاز المركزي لجميع شركات الكهرباء ولسنوات عديدة عن حسابات معامل القدرة ولتجنب حوادث القطارات (الاشارات وانظمة التحكم ) ومشروع البحث لتجنب حوادث القطارات فهل من مجييب ؟

11

يا مرسي يا كايدهم

بواسطة: احمد حسن

بتاريخ: الإثنين، 12 نوفمبر 2012 06:07 ص

افضل احرق في دمهم كمان وكمان ابناء مبارك المغيبيين دول هههههه

واحد اتخلع وعليه حكم بالمؤبد ولسه بيدافعوا عنه .

12

الي تعليق رقم 11

بواسطة: Eng.Abdo

بتاريخ: الإثنين، 12 نوفمبر 2012 06:33 ص

كايد مين وحارق دم مين ياعمي, هي المشكله دلوقتي فى مبارك ولا اللى بيحصل والناس اللى بتموت, مبارك غار في 60 داهيه خلينا نشوف اللى بيحصل مين اللى مسؤل عنه ولا اتكتب نفضل مغميين عنينا؟؟

13

فلول لسه لهم نفس يتكلموا

بواسطة: amin

بتاريخ: الإثنين، 12 نوفمبر 2012 06:48 ص

الفرق ان مبارك هو سبب الكوارث التى نعيشها حتى الان من تخريبه وفسادة فى البلد ولا يستطيع مرسى او غيره اصلاح كل هذا الخراب الذى سببه مبارك ولا بعد 10 سنوات والدليل على الفساد والخراب المستشرى فى البلد سجن كل رجال حكمه معه فى طرة

14

يارب

بواسطة: mas

بتاريخ: الإثنين، 12 نوفمبر 2012 06:55 ص

الى رقم 2 الله يحييك ورقم 4 الله يشفيك ورقم 8 ربنا يعطيك

15

الوضع كما هوه

بواسطة: محمود

بتاريخ: الإثنين، 12 نوفمبر 2012 07:40 ص

إلى السيد صاحب التعليق رقم 4 الوضع كما هوه ولم يحدث تغيير لافيه كوارث مفتعلة ولا الافكار اللى فى دماغك دى موجودة الوضع من وقت مبارك كما هو ومرسى لم يقدم أى جديد وإن كان الاهمال موجود من أيام مبار فهو موجود بحاته

16

انت يا مرسى مسؤل وان تهربت

بواسطة: يوسف المصرى

بتاريخ: الإثنين، 12 نوفمبر 2012 07:55 ص

وان استمر مسلسل هذا الاهمال الغير مسبوق فى النقل والصحة والتعليم والبترول والطرق ....الخ فستخرج بخروج مزل غير مسبوق فالافضل ان تتحمل المسؤلية وتكون على قدر الرئاسة

17

فعلا صح

بواسطة: تامرشوقى

بتاريخ: الإثنين، 12 نوفمبر 2012 08:22 ص

انا اؤيدهم على ما قالوه برغم تحفظى على جماعتهم....ولكن للاسف هما صح

18

لا للجهل والتخلف والفلول ...

بواسطة: حمودة

بتاريخ: الإثنين، 12 نوفمبر 2012 08:46 ص

بهدوء وعقل ... د/ مرســــى راجل محترم ... لم يسرق ولم يفسد ولم ينوى التوريث .... ويعمل فى صمت ومش غاوى منظرة ... موتوا بغيظكم ....

19

انا ضد الصفحة و لكن

بواسطة: amal m. ali

بتاريخ: الإثنين، 12 نوفمبر 2012 09:23 ص

انا كنت مش راضية عن كتير من اللى بيحصل ايام مبارك و منها مشروع التوريث و سياسات احمد عز ( منه لله ) و غيرها ، و لكن كان هناك دولة و كان هناك رئيس نحبه و ليس خلافة للجهله و الجاهلين و اصحاب الاعلام السوداء و القتله و المتأسلمون و الاسلام منهم برئ و اخونة كل شئ و هى ايضا بعيدة جدا عن دينا و اسلامنا الوسطى

20

ههههههههههههه

بواسطة: tmsoo

بتاريخ: الإثنين، 12 نوفمبر 2012 09:38 ص

فخامة الرئيس
ارحل ارحل ارحل فكما قال توفيق عكاشة انتم لاتصلحو الا لتنفيذ المؤامرات والاغتيالات والعمل من داخل السراديب كام كنتم علي الدوام بجد بجد مصر واسعة عليك اوووووووووووووووووووي
والله مش باين فيها
ارحمنا وارحل واللي فرحان بيك وبيقلك فخامة الرئيس ان الحوادث دي من عمل اتباع مبارك طيب فين الدليل يافلحوس اثبت لادليل او تصمت فالاخرق هو من يتكلم بلا فكر واعتقد انكو ماعندكوش فكر

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع