طريقة عمل حلوى "أم على"

الجمعة، 09 سبتمبر 2011 - 08:53 ص

حلوى "أم على"

كتبت دعاء حسام الدين

تقدم لنا اليوم الشيف بسمة بكر، طريقة عمل حلوى "أم على" وتقول سميت أم على بهذا الاسم نسبة إلى زوجة عز الدين أيبك، أول سلاطين المماليك بعد الأيوبيين، وهو زوج شجرة الدر، وبعدما تزوج عز الدين أيبك من أم على، غضبت شجرة الدر، وانتقمت منه، ولذلك قامت أم على بقتلها ووقتها نصبت ولدها سلطانا، فأمرت بخلط كل الدقيق بالسكر والمكسرات وتقديمها.

المكونات:
لفة جلاش كاملة بدون أن تفرد.
6 كوب حليب.
1 كوب سكر.
1/2 كوب جوز هند مبشور.
1/2 كوب زبيب أو أكثر حسب الرغبة.

الطريقة:
- تقطع لفة الجلاش بدون أن تفرد إلى دوائر رفيعة سمك 1 سنتيمتر.
- تفرط الدوائر فى صنية الخبز وتفرد جيدا وتدخل الفرن على درجة حرارة 200 ويقلب الجلاش من وقت لآخر حتى لا يحترق.. ويترك حتى يأخذ اللون الذهبى.
- نغلى الحليب على النار مع كوب السكر.
- نخرج الجلاش من الفرن ويرش بجوز الهند والزبيب ويقلب جيدا معه، ثم نضيف الحليب، ويترك حتى يتشرب الجلاش بعض كمية الحليب.
- تقدم دافئة أو باردة.

تعليقات (11)

1

يعني إحنا ناكلها وعز الدين أيبك يتجوزها .. !

بواسطة: Disaster

بتاريخ: الجمعة، 09 سبتمبر 2011 09:55 ص

مفيش عدل ،

2

حلو

بواسطة: نانا

بتاريخ: الجمعة، 09 سبتمبر 2011 10:09 ص

لزيزة اوى وطريقة عملها بسيط

3

ام علي

بواسطة: عصام

بتاريخ: الجمعة، 09 سبتمبر 2011 11:35 ص

فين الكريمه ياشيف وتسلم ايدك

4

ام علي

بواسطة: ام هاني المصريه

بتاريخ: الجمعة، 09 سبتمبر 2011 11:56 ص

حلوه بالهنا والشفا وتعيش وتعلمنا يا شيف

5

اكيد طعمها حلو

بواسطة: صاصا

بتاريخ: الجمعة، 09 سبتمبر 2011 12:10 م

لو سمحتوا حد يوضحلى الجلاش يتعمل ازاى فى ام على نعملوا دوائر ازاى

6

سمسم

بواسطة: تسلم ايدك

بتاريخ: الجمعة، 09 سبتمبر 2011 12:36 م

مش بتخش الفرن بعد الخلط ؟ ويريت طريقة القرع عسل

7

إلى رقم 2 , 3 , 4 , 5 , 6

بواسطة: بسمة بكر

بتاريخ: الجمعة، 09 سبتمبر 2011 01:27 م

ألف شكر يا جماعة على تعليقاتكم

رقم 3 : أنا عاملاها من غير كريمة عشان تبقى أخف و أسرع وأرخص , تقدر تقول حضرتك كدة حاجة اقتصادية وسريعة وبتدى نفس الطعم اللى متعودين عليه

رقم 2 , 4 : ألف شكر على زوقكم , تسلمو يارب

رقم 5 : بصى يا صاصا , انتى بتجيبى لفة الجلاش ومش تفرديها , تسيبيها ملفوفة اسطوانة كدة , بعد كدة بتقطعيها حلقات , تجيبى بعد كدة الصنية اللى هاتدخليها فيها الفرد , وتجيبى الحلقات دى وتفرطيها (( تفكيها من بعضها )) وتوزعيها على الصنية كلها وبعد كدة تدخليها الفرن وتكملى الوصفة زى ماأنا كاتبة

رقم 6 : مش بدخلها الفرن بعد الخلط لأنى مش حاطة فيها كريمة ولا قشطة , اللى هايحط فيها كريمة أو قشطة على الوش يدخلها الفرن تحت الشوية لحد بس ما الوش يتحمر و بعد كدة تخرج و تتقدم , أنا هنا عاملاها بدون كريمة أو قشطة عشان تبقة أخف وأرخص وأسرع , وبالنسبة للقرع هو ليه كذا طريقة , حددى الطريقة المطلوبة , عاوزاه صنية والا خشاف , وممكن كمان يتعمل أصناف حادقة زى شوربة مثلا , حددى طلبك وأنا تحت أمرك (^_^)

8

تصحيحات

بواسطة: تامر أبو الخير

بتاريخ: الجمعة، 09 سبتمبر 2011 01:28 م

- السلطان عز الدين أيبك كان متزوجا أصلا من أم علي
- الاسم الصحيح هو شجر الدر وليس شجرة الدر
- لم تخلط الدقيق بالسكر بل أمرت بتقطيع الخبز مع الحليب والمكسرات وتقديمه للمساكين في الشوارع.

تامر أبو الخير

9

سمسم

بواسطة: سمسم

بتاريخ: الجمعة، 09 سبتمبر 2011 01:28 م

لي رقم 5 قلت ان الجلاش مش هيتفرد وهيتقط دى ما عو معلب بعد اخراجو من العبوه

10

إلى رقم 2 , 3 , 4 , 5 , 6

بواسطة: بسمة بكر

بتاريخ: الجمعة، 09 سبتمبر 2011 02:00 م

ألف شكر يا جماعة على تعليقاتكم

رقم 3 : أنا عاملاها من غير كريمة عشان تبقى أخف و أسرع وأرخص , تقدر تقول حضرتك كدة حاجة اقتصادية وسريعة و بتدى نفس الطعم اللى متعودين عليه

رقم 2 , 4 : ألف شكر على زوقكم , تسلمو يارب

رقم 5 : بصى يا صاصا , انتى بتجيبى لفة الجلاش ومش تفرديها , تسيبيها ملفوفة اسطوانة كدة , بعد كدة بتقطعيها حلقات , تجيبى بعد كدة الصنية اللى هاتدخليها الفرن , وتجيبى الحلقات دى وتفرطيها (( تفكيها من بعضها )) وتوزعيها على الصنية كلها وبعد كدة تدخليها الفرن وتكملى الوصفة زى ماأنا كاتبة

رقم 6 : مش بدخلها الفرن بعد الخلط لأنى مش حاطة فيها كريمة ولا قشطة , اللى هايحط فيها كريمة أو قشطة على الوش يدخلها الفرن تحت الشوية لحد بس ما الوش يتحمر و بعد كدة تخرج و تتقدم , أنا هنا عاملاها بدون كريمة أو قشطة عشان تبقة أخف وأرخص وأسرع , وبالنسبة للقرع هو ليه كذا طريقة , حددى الطريقة المطلوبة , عاوزاه صنية والا خشاف , وممكن كمان يتعمل أصناف حادقة زى شوربة مثلا , حددى طلبك وأنا تحت أمرك (^_^)

11

طريقة القرع العسلى

بواسطة: تسلم ايدك ياشيف بسمة

بتاريخ: الجمعة، 09 سبتمبر 2011 02:08 م

لفة الجلاش كاملة بتاخد اتنين كيلو ونص لبن وياسلام لو حطيتوا قرفة ناعمة معاها ف الخلطة
طريقة القرع العسلى نجيب واحدة قرع حوالى 2 كيلو ونقشرها ونقطعها قطع صعيرة ونحط عليها سكر ونسيبها 6 ساعات عشان تنزل ميتها ونحطها ع النار بميتها ونسيبهم يتسلقوا لغاية ماقطع القرع تستوى بس ماتتهريش نصفيها من ميتها ونحتفظ بالمية عشان هانستخدمه ف البشاميل ....نحط مع قطع الباشميل معلقة صغيرة قرفة وجوز هند وزبيب
ونعمل البشميل هاندوب 4 معالق دقيق ف شوية سمنة او زيت حوالى دقيقتين تلاتة ونصب حوالى كوب من مية القرع ومعاها كوب لبن ونقلبهم ع النار حوالى 6 دقايق لو محتاجين لبن او مية قرع نحط ونطفى النار وندوق البشميل ونشوف لو السكر ناقص نزوده عشان احنا حطينا سكر قبل كدة على قطع القرع هانجيب صينية مقاس 26 ونحط راق باشميل وبعدين نحط القرع بالقرفة والمكسرات وف الاخر بنصب باقى البشميل على وش الصينية
ونحطها ف الفرن ع الرف الاوسط حوالى نص ساعة على 180 لغاية ما الوش يتحمر

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع