"أخطاء" فى نتيجة تنسيق شهادات المعادلة الأجنبية والعربية

الثلاثاء، 27 سبتمبر 2011 - 08:30 م

الدكتور معتز خورشيد وزير التعليم العالى

كتب محمد البديوى

أعلنت وزارة التعليم العالى نتيجة تنسيق شهادات المعادلة العربية والأجنبية، وذلك بعد أقل من 48 ساعة من نشر "اليوم السابع" عن تجاهل الوزارة لإعلان نتائج تنسيق الشهادات المعادلة، رغم بدء الدراسة يوم السبت المقبل أول أكتوبر.

وفوجئ أولياء الأمور بوجود أخطاء فى نتيجة التنسيق، حيث فوجئ عشرات الطلاب باستنفاذ رغباتهم، رغم أن مجموعهم أعلى من 97 %، ويوجد طلاب أقل منهم فى المجموع تم قبولهم فى كليات الصيدلة.

وأكد مصدر أنه بالفعل توجد أخطاء تسببت فى تجمهر أولياء الأمور أمام مكتب التنسيق، وسيتم إصلاحها خلال الساعات القليلة المقبلة، فيما يتخوف أولياء الأمور من تأخر النتيجة رغم بدء الدراسة فعليا بالجامعات السبت المقبل.

ويبحث أولياء الأمور الذين حصل أبناؤهم على شهادات الثانوية من السعودية والإمارات وليبيا وقطر وعمان والكويت والبحرين والأردن والسودان واليمن، بالإضافة للشهادات الأجنبية الإنجليزية والفرنسية والألمانية والدبلومة الأمريكية، عن مصير أبنائهم.

موضوعات متعلقة:
"التعليم العالى" تتجاهل إعلان نتيجة تنسيق شهادات المعادلة

تعليقات (71)

1

نتيجة التنسيق

بواسطة: امنيه

بتاريخ: الثلاثاء، 27 سبتمبر 2011 08:57 م

مش بس نتيجة الشهادات المعادله كمان نتيجة الشهادت الفنيه الوزارة نسيتها ولم تظهر حتى الان وكأننا مش طلبه ولنا حق زى بتوع الثانويه العامه حسبى الله ونعم الوكيل

2

والله في تجاهل في الدبلومات

بواسطة: mohamed saber

بتاريخ: الثلاثاء، 27 سبتمبر 2011 09:18 م

نتيجة تنسيق الدبلومات ايضا لم تظهر بعد حتي هذه الحظة ويوجد
تجاهل شديد ارجو مناقشة الموضوع ولكم جزيل الشكر علي الاهتمام
بقضايا التعليم فيما تجاهلته صحف اخري

3

حسبنا الله ونعم الوكيل

بواسطة: aya emam

بتاريخ: الثلاثاء، 27 سبتمبر 2011 09:51 م

حسبنا الله ونعم الوكيل فيكوا ياظلمه الدراسه يوم السبت ولحد دلوقت نتيجه تنسيق الدبلومات الفنيه مظهرتش منكوا لله عمر البلد دى ماهتتصلح وانتوا فيها

4

التنسيق اصبح عقاب للمغتربين

بواسطة: rainbow

بتاريخ: الثلاثاء، 27 سبتمبر 2011 09:56 م

بنتي حصلت على 95.2 و جالها تجارة انجليزي السادات اللي بيدخلوها من مصر ب 82%. علما بان الثانوية الكويتية 3 سنين تراكمية مع الحضور والامتحانات القصيرة والطويلة لكل ربع دراسي دة غير المشاريع والشفوي اما في مصر المحروسة الطلبة قاعدين في البيت ياخدو دروس وامتحاناتهم سهلة باعتراف الكل والغش كان علني زي ما الكل عارف وكأننا ولاد الجارية ومحدش بيسأل فينا... هي دي مصر وعموما الكل ناوي ينزل عياله على الثانوي عشان الحكومة ترتاح كانها حليف للجامعات الخاصة في مص دم كل من جرؤ وترك مصر لكسب لقمة العيش وتوفير المدارس والمواصلات والتموين للناس اللي عايشين فيها . ودي عقوبة الغربة اللي مصر بتستفيد منها كدخل ثالث بعد السياحة وقناة السويس . خلاص هننزل باولادي التلاتة الباقيين يزاحمو الموجودين في كل حاجة وللتاكد ارجو من كل قارئ ان يقارن تنسيق هذا العام للثانوية الكويتية ( قسمة على مجموع الدرجات اللي هو 410 ) و يقارن التنسيق المصري للعام الحالي علشان تتاكدو من الظلم البين .

5

حراممممممم

بواسطة: شيما

بتاريخ: الثلاثاء، 27 سبتمبر 2011 10:58 م

انا جالى 96.13 في الكويت ورغباتي استنفذت يعني هناك بندرس علوم ورياضة هنا منهج واحد ازاي ازاي حرام لية بتعاملونا كدة

6

ظلم وقهر

بواسطة: نا

بتاريخ: الثلاثاء، 27 سبتمبر 2011 11:02 م

طالبة حاصلة على نسبة 95.75 والنتيجة (استنفاذ الرغبات ) دفع فلوس ودفعنا تاخير واستحملنا ده قدمنا ما المقابل

7

حرام عليكم

بواسطة: واحد مقهور

بتاريخ: الثلاثاء، 27 سبتمبر 2011 11:22 م

ازاى ابنى يجيب مجموع محترم جدا باحدى دول الخليج فىالثانوية العامة ويدخل كلية بيدخلوها المرحلة الثالثة فى مصر ... حرام عليكم

8

ده حرام

بواسطة: دينا

بتاريخ: الثلاثاء، 27 سبتمبر 2011 11:30 م

التنسيق سئ جدا جدا وترتيب الكليات مش مقنع بالمرة يعني ايه اقتصاد وعلوم سياسي تكون قبل طب وصيدلة ده ينفع؟؟؟انا بصراحة مصدومة بعد كل التأخير ده تيجي النتيجة كده احنا مصريين بردو بجد كده حرااااااااااام

9

تنسيق الثانوية الازهرية فين؟؟؟؟؟؟؟؟؟؟؟؟؟؟

بواسطة: الجزار

بتاريخ: الثلاثاء، 27 سبتمبر 2011 11:49 م

تنسيق الثانويه الازهريه حتي الان مظهرش ولا حتي تنسيق طلاب الازهر للتعليم العالي
انا مش عارف هما بيعملو فينا كده ليه ؟حسبي الله ونعم الوكيل في مسئولي الازهر اللي كرهوني في الدنيا كلها

10

ارحمونا حرام عليكم

بواسطة: محمود المصري

بتاريخ: الثلاثاء، 27 سبتمبر 2011 11:52 م

ياناس يامسئولين ياظلمة حرام عليكم اللي بتعملوه فينا مجموعي يوديني سياسة واقتصاد و موديني تجارة حلوات حسبي الله ونعم الوكيل - دانتم فضحتونا يوزارة التعليم العالي ولا انتو عالي ولا حاجة

11

!!!

بواسطة: طالبة مجتهدة

بتاريخ: الأربعاء، 28 سبتمبر 2011 12:13 ص

ده تخلف و عار ازاي مش عارفين ينظموا التنسيق و يبرمجو الكمبيوتر كويس والاستهتار ده هيوديكو ف داهية وكل ذه والدراسة بعد 3 ايام حاجة في منتهى القرف والغباء!!!!!!

12

الظلم حرام

بواسطة: الاء محمود

بتاريخ: الأربعاء، 28 سبتمبر 2011 12:20 ص

ياجماعة نسبتى 92 وجالى استنفاذ رغباتى على الرغم من أنى كاتبة تجارة أذاى مجموعى ميجبش تجارة ياجماعة حرام بعد كل السنين دى وبالمجموع دة ومليش كلية واللهى حرام.

13

المطلبة اقااالت معتز خورشيد!!!!!!

بواسطة: المطلبة اقااالت معتز خورشيد!!!!!!

بتاريخ: الأربعاء، 28 سبتمبر 2011 12:27 ص

السيد الاستاز المحترم .... معتز خورشيد

تخبط ملحوظ واضح فى التنسيق 2011 . معادة تنسيق الثانوية العامة !!!
كأنهم من عالم اخر وجميع الشهدات الاخرة من عالم اخر !!
السوال هنا فين الراى العاااام!!!!!
المطلبة بمحاسبت معتز خورشيد وليس الاقالة فقط .........

14

المنتقم الجبار ينتقم

بواسطة: اجنبى مصرى

بتاريخ: الأربعاء، 28 سبتمبر 2011 12:35 ص

ابنى حاصل على ثانويه عامه من السعوديه 915% و78% قدرات بالرغم من كده لقد استنفذ ت
رغباتكم هل هذا من المعقول مع الاسف كتبين الرغبات هندسه خاصة مش حكومه واقاليم والاخ اللى يرد عليه من مكتب التنسيق يقولى تمريض وتربيه كفر الشيخ هل هذا من المعقول حرام على حالة الاحباط للطلاب شباب المستقبل ولكن اللى حاصل على 70% و 60% يدخلوا ايه وبتسمونى اجانب السعوديه بيعملوا الطلاب احسن معامله ومدرسين مصرين وسورين واحنا فى بلادنا اجانب مع ان دخل البلد من المغتربين حسبى الله ونعمه الوكيل ما مصير اولادنا انشر يا يوم السابع ولك جزيل الشكر ويجعله فى ميزان حسناتكم للاهتمام

15

حسبي الله و نعم الوكيل

بواسطة: هند ممدوح

بتاريخ: الأربعاء، 28 سبتمبر 2011 12:56 ص

يعني بعد كل التأخير ده و النوم في العسل
و كمــــــــان اخطاء في النتيجة
حسبي الله و نعم الوكيل فيكم يا ظلمة
و كل اللي بيعملوا فينا ده و الذل ده و في الآخر كدة
حسبي الله
و ليك يوم يا ظالم
مهما طال بيك الزمن
ان الله يمهل و لا يهمل

16

عايزين حل مش هنروح بيوتنا

بواسطة: حسام حماد

بتاريخ: الأربعاء، 28 سبتمبر 2011 01:31 ص

انا طالب جايب 96.95% تم استنفاد رغباتي حتى هندسة جنوب الوادي مليش فيها نصيب
تنسيق محبط وفاشل وظالم
حرام لما اكون تعبان طول السنين في الدراسه واجيب مجموع وفي الاخر الاقي نفسي مرمي في حقوق او معهد حاسبات
انا معايا 38 طالب من اوائل الثانوية العامة في الكويت حاضرين كلنا من الساعه سبعه الصبح اعتصام امام مكتب التنسيق في القاهره لغاااااااااااية ما ندخل جامعات حكومية حتى الجامعات الخاصة قفلت باب التسجيل يعني احنا في الشارع بدون تعليم
مش هنروح لغاية ما ناخد حقوقنا زي اي فرد مصري ليه حقوق مصرية في وطنه
بما اني بدفع الضرائب اللي عليا للدولة ومطلوب مني ادخل جيش بعد كده واقضي للدولة الخدمة العسكرية من حقي كمان اخد حقوقي زي اي مواطن مصري
مش مروحين لغاية ما ناخد حقنا من التنسيق عايزين الكل يشوفنا ونرفع قضيتنا لاعلى مستوى ربنا ميرضاش بالظلم

17

هي دي بلدي ( للأسف ) :(

بواسطة: طالب من الكويت

بتاريخ: الأربعاء، 28 سبتمبر 2011 01:42 ص

فالبداية احب اشكر كل انسان شارك في مهزلة تنسيق الشهادات المعادلة انا طالب مصري ابل اي شيء نسبتي فالثانوية ( بعد المعادلة ) 96.66 قمت بتقديم رغباتي و انا كلي ثقة اني من القابلين في كلية الهندسة انتظرت التنسيق و لكن الكل عارف عن الاهمال و الاستهتار و التاخير اللي حصل ( و عدت من غير ما حد يعترض او يقدم شكوى ) ثم جاءت المفاجأة الحقيرة عند ادخالي لرقم الجلوس صباح اليوم ( تربية المنصورة ) فهل تتوقعون مني ان يكون ولائي خالصاً لبلد وضعتي تحت اقدامها من عصابة من اللصوص الذين يقومون بإدارة البلد حى الآن ونعم انا مسؤول عن كل كلمة اقولها واتمنى عدم مسح تعليقي لأنه لايحمل سوى الحقيقة ، فهل من العدل ان اتساوى مع الحاصلين على 92.9 من مصر كحد ادنى ،انا لا أقلل من شأن احد منهم ولكن انا من الموليدين بالكويت وقضيت حياتي فيها وعرفت ان وطنك الحقيقي هو الذي يحميك مش يهينك و يسرقك ويظلمك زي ما حصل معايا و كل ذنبي اني (طالب بالخارج) ، انا هقول حاجة اخيرة ( انا كرهتك يا مصر بقديمك و بجديدك ) للأسف شلة النصابين اللي ماسكينك هما اللي عملوا كدة و فالآخر يقولوا غلط فالتنسيق .
أشكر يا مصر على تحطيم آمال أبنائك

18

حرااااام عليكم

بواسطة: amr atief

بتاريخ: الأربعاء، 28 سبتمبر 2011 01:51 ص

انا جبت .95.3% في الشهادة السعودية ومع ذلك جاتلي هندسة اسيوط

يعني بعد كل اللي عانيناه من بهدلة ومعاملة زي الزفت وتاخير تيجي النتايج كدة !!!!!!

وكمان يأولو فيه غلط في النتيجة حرام عليكوا والله خلاص احنا عرفنا اننا اجانب برة وجوة
بلدنا

19

حسبي الله ونعم الوكيل

بواسطة: salah alaa

بتاريخ: الأربعاء، 28 سبتمبر 2011 01:53 ص

حسبي الله ونعم الوكيل في كل من ظلمني

20

شكرا يا مصر

بواسطة: amr atief

بتاريخ: الأربعاء، 28 سبتمبر 2011 02:03 ص

طبعا شكرا يا مصر شكرا على تحطيم امال ولادك وعلى ضربهم بجزمتك شكرا على الثورة إللي المفروض أنها تكون في صالحنا وصالح كل المصريين بس شكل الحرميا راجعن راجعين وهيحكموكي تاني
شكرا يا مصر شكرا على معاملتك للمختربين إللي طلعوا مغنربين حتى فبلدهوم

دلوأتي أنا عرفت أبويا ساب البلد ديه ليه وراح السعودية


شكرا يا مصر يا ام الدنيا


اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع