تطبيق الحد الأدنى للأجور بالقطاع الخاص فى أكتوبر المقبل

السبت، 20 أغسطس 2011 - 01:25 م

الدكتور أحمد البرعى وزير القوى العاملة والهجرة الدكتور أحمد البرعى وزير القوى العاملة والهجرة

كتب أشرف عزوز

قال الدكتور أحمد البرعى، وزير القوى العاملة والهجرة، إن تطبيق الحد الأدنى للأجور فى القطاع الخاص سيبدأ بداية شهر أكتوبر المقبل عقب إرسال ملاحظات أصحاب الأعمال على التى أبدوها على الـ 700 جنيه التى حددتها الحكومة خلال الشهور الماضية كحد أدنى للأجور، إلى المجلس القومى للأجور الذى سيعقد أولى جلساته نهاية الشهر الجارى بعد إعادة تشكيله.

وأضاف البرعى فى تصريحات عقب جلسة حوار الاجتماعى مع مستثمرى عدد من المحافظات بمقر الوزارة حول الحد الأدنى للأجور أن الـ700 جنيه ستطبق فى كافة القطاعات ما عدا قطاع السياحة الذى مازال يعانى من الكثير من المشاكل بعد ثورة 25 يناير، وسيبدأ تطبيق الحد الأدنى فيها بداية شهر يناير المقبل.

وأوضح البرعى أن المنشآت متناهية الصغر والتى يقل عدد العاملين فيها عن 5 عمال لن يطبق عليها قيمة الحد الأدنى للأجور، وطالب المستثمرين الوزير بحل أزمة التأمينات التى لا يستفيد منها العمال وتذهب للدولة، على حد وصفهم.

وأضاف البرعى أن هناك لقاء مع الدكتور على السلمى، نائب رئيس الوزراء، لاستبدال ممثلى اتحاد العمال المنحل بأعضاء اللجنة المؤقتة لإدارة الاتحاد فى عضوية الشركات القابضة ومناقشة المشاكل التى تعانى منها هذه الشركات والشركات التابعة لها.

من ناحية أخرى أشار البرعى أنه أرسل الأحكام القضائية الخاصة بحل النقابات العامة للجنة المؤقتة برئاسة الدكتور أحمد عبد الظاهر لدراستها وتحديد موقف النقابات من الحل.

تعليقات (28)

1

اذا كان المتكلم مجنون يبقى المستمع عاقل مش حمارررررررررر واستر يا ستار

بواسطة: مصرية اسكندرانية

بتاريخ: السبت، 20 أغسطس 2011 01:36 م

الاسرائيلين لا يستطيعو اطلاق النارعلينا لانهم يخافون من الهزيمة والغاء الاتفاقية وما يحدث ان الجماعات الارهابية والوهابية والتكفيرية والغزاويةتريد الاستقلال بسيناء لتصبح كالمنطقة القبلية وزيرستان فى باكستان او قندهار افغانستان او جنوب لبنان بعد تضيق الخناق على سوريا لتصبح سيناء بديلا عن لبنان والتكفير والهجرة بديلا عن حزب اللة بعد سقوط الاسد وحصار ايران ..من اطلق النار الان هم الجماعات الارهابية وذلك لكست تعاطف العرب ..وصرف نظر الجيش عم ملاحقتهم ومصادرة اسلحتهم وعملائهم سيسمونة سلاح المقاومة ضد اسرائيل وتصحيح خطا ظهورهم علانية فى سيناء وتدمير قسم شرطة العريش .كذلك احتلال سينا ء والسيطرة عليها ..واسقاط الاحكام التى صدرت على البدو..واحتكار زراعة البانجو ولن يستطيع الجيش تدمير الزراعات المخدرة بعد الان وتعتبر نباتات مقاومة.....اثرة الحرب لالغاء الاتفاقية والسيطرة على مصر الم يكفينا سقوط مليو ن شهيد ومفقود من سنة 48 الى 73 والخومينى بطل الثورة الاسلامية هاجم العراق 8 سنوات بدل اسرائيل وصدام احتل الكويت بدل اسرائيل والقذافى طايح فى الكل ما عدا اسرائيل واشاوس العرب والخليج يجاهدون فى كباريهات لبنان وتركيا ولندن وباريس المصرين هم زعماء الوطن ورمز العطاء وكفى باللة شهيدا

2

يارب

بواسطة: شباب المستقبل الديروطى

بتاريخ: السبت، 20 أغسطس 2011 01:39 م

يارب يتمم فرحتنا على خير والكلام يكون صادق المره دى للغاملين بالقطاع الخاص

3

حرام عليكم هو ده اللى ربنا قدركم عليه

بواسطة: انسان عايز يعيش

بتاريخ: السبت، 20 أغسطس 2011 01:42 م

انتم بتموتوا الناس بالبطئ المفروض الانسان يشتغل عشان يعيش مش يعيش عشان يشتغل لما المرتب يكون 700 جنية ده هيعمل ايه يدفع منه الايجار و المياة و الكهرباء و المواصلات و هل هيتبقى منه فلوس عشان الاكل بقى ؟ هو ممكن عيش حاف و لو عنده اطفال ؟ يموتوا من الجوع و لو عايز يتجوز ؟ يعيش راهب افضل
طيب انتم كل الشباب اللى مش عندهم شقق هتوفروا ليهم شقق حرام عليكم
يارب الناس تحس بعضها بلاش جشع و بلاش قرارات مش مدروسه .

4

طيب والمعاشات

بواسطة: كمال سليم

بتاريخ: السبت، 20 أغسطس 2011 01:52 م

طيب والمعاشات اللى مش بتكفى معيشة الاسرة لرجل عمل باحدى شركات الدولة لمدة 30 سنة ومعاشة بعد زيادة ال 15 % وفرق علاوة 2008 مازال فى حدود 600 جنية علما انه لم يتم اعطائنا الاثر الرجعى لها عن ثلاث سنوات مضت .ان اصحاب المعاشات لهم فى ذمة الدولة مبلغ 438 مليار جنيها تم تحويلها من وزارة التامينات لوزارة المالية على يد يوسف غالى . اين الحد الادنى للمعاشات ياسادة وكنا ندفع تامينات كبيرة طوال فترة العمل!!!

5

محافظ البحيرة

بواسطة: أحمد

بتاريخ: السبت، 20 أغسطس 2011 02:06 م

ياريت تلقى نظرة على مشروع المحاجر،وعلى المتعاقدين على المشروع والملحقين على الوحدات المحلية بمراكز المحافظة،قبلماتقوم ثورة مش عارفين هتنتهى على أيه،لأنهم يعانون من ظلم شديد، وصل لدرجة خفض الحافز من75% إلى 25% ولم يتم صرف العلاوة الخاصة التى قدرت ب15% ابتداءاًمن1/4/ 2011

6

ربط الحد الادني للدخل والحد الاقصي للدخل لازياده للمعاش عن سن الستين ولامجامله للعسكريين

بواسطة: زكريا بكر علي ابراهيم 0124352204

بتاريخ: السبت، 20 أغسطس 2011 02:17 م

حد الادني للدخل والحد الاقصي للدخل لازياده للمعاش عن سن الستين ولامجامله للعسكريين ه زكريا بكر علي ابراهيم 0124352204

7

ربط الحد الادني للدخل والحد الاقصي للدخل لازياده للمعاش عن سن الستين ولامجامله للعسكريين

بواسطة: زكريا بكر علي ابراهيم 0124352204

بتاريخ: السبت، 20 أغسطس 2011 02:17 م

حد الادني للدخل والحد الاقصي للدخل لازياده للمعاش عن سن الستين ولامجامله للعسكريين ه زكريا بكر علي ابراهيم 0124352204

8

لوزير المالية..فين العدل؟؟؟؟؟

بواسطة: منى

بتاريخ: السبت، 20 أغسطس 2011 02:34 م

لما تعطى موظف حافز200% وفى نفس المكتب الذى يعمل فيه هذا الموظف يوجد بجانبه زميل له يقوم بنفس الشغل ونفس ساعات العمل بحافز75% لمجرد أنه يعمل بعقد على مشروع من المشاريع الخاصه بالدولة،يعنى الموظف المعين يأخذ كل حاجه والمتعاقد يحرم من كل حاجه لمجرد أنه متعاقد،حتى لو كان متعاقد على مشاريع ذات ربح وفير زى المحاجر ،متشوفوا الفلوس دى بتروح فين ولمين،حرام نفضل كده محرومين،فين العدل ياسيادة الوزير يعنى المبسوط نزوده انبساط واللى حالتة تعبانه ودخله بسيط لأنه متعاقد أزود الطين بله وعايزين يبقى فيه حب وفريق عمل متكامل!!!!!!أنتم بتضحكم على نفسكم ،أرضى ضميرك وأنصف المتعاقدين فى الدولةلأن عددهم بالألافات وكلهم فاتحين بيوت ولهم التزمات،يعنى لما أروح اشترى طلبات البيت أقول للبائع أنا مختش 200% نزلى شويه فى الأسعار ،بالزمه ده أسمه كلام

9

حدأدنىأيه ياعم

بواسطة: المصرى

بتاريخ: السبت، 20 أغسطس 2011 02:48 م

بص على اللى بيحصل فى المشاريع،فيه مشاريع بدخل بالملايين ولاحد عارف عنها حاجه،وتلاقى مدير المشروع مدير أمن دولة سابق ،معناها أيه!

10

رجاااء لليوم السابع..اتمنى بالفعل تنفيذه

بواسطة: عمر هشام

بتاريخ: السبت، 20 أغسطس 2011 03:03 م

انا اتمنى من اليوم السابع تبنى قضية المعلمين الشباب الذين برغم تصريحات وزير التربيه والتعليم ب50% لن يكون مرتبنا وصل للحد ادلانى ده مش حرام ويقول انه المدرسين واخدين اكتر حاجه فى الدولهاتوسل الى اليوم السابع لازم تفهم القضيه انا مرتبى هايبقى بعد الزياده500 بالعافيه طيب انا عايز افهم هما هايطبقول الحد ادنى ولا ايه ارجوا اليوم السابع يوصل القضيه انا عايز افهم مش عايز افهم كام فى الميه انا ياااخوانا عايز الحد الادنى كتير اهو هايتنفذ فى القطاع الخاص طيب والمدرسين انا وزمايلى المعلمين اللى لسه لافيه دروس ولانيلا ناكل طوب احنا خلاص هاننفجرلازم يخلى الحد الادنى فى التربيه والتعليم مش يقولى كام فى الميه ومطلع المدرسين حسب الاحصائيات انهم اكتر ناس بتاخد فلوس امال عامل الكهرباء بياخد كام يااترى يعررف هو ولا عامل فى البترول ولا فى وزارر المالية ولا دلوقتى فى المحليات ارجوا اتساع صدر اليوم السابع ويصرخ فى وجه الوزير ويقول له حرااام عليك ناس مرتبها موصلش ال500 بالزياده ارجووووكم وصلوا اصوات الغلابه للوزير الله يخرب بيته وعلى الكادر هما حضروا العفريت ومش عارفين يصرفوه الكادر فاشل وكله عارف كده كويس ومدام بقى الكادر ضمن الحوافز اللى حسبها عامله ليه الله يخرب بيتك وبيت اللى جنب بيتك ياالى اخترعت الكادر وامتحاناته شيلوه وادونى الحد الادنى

11

;ku

بواسطة: عماد الاصيل

بتاريخ: السبت، 20 أغسطس 2011 03:48 م

ليه ميخفضوش الاسعازاحسن من زيادت الاوجور

12

الاجور

بواسطة: ahmed

بتاريخ: السبت، 20 أغسطس 2011 04:04 م

يارب الحد الادنى يترفع خصوصا فى مجال السياحة علشان الحالة ضنك

13

طبقوه على الحكومة الاول

بواسطة: محمد وجيه

بتاريخ: السبت، 20 أغسطس 2011 04:12 م

يا سيادة الوزير لما تطبقوا الحد الادنى على كل وزارات الحكومة بالعدل ابقوا طبقوه ع الخاص كمان ، الموظفين فى وزارة الرى حتى الان لم يطبق عليهم ال200% ليه معرفش هى مش وزارة تبع الحكومة ولا ايه ؟ والمصيبة ان المعاشات بتخصم من الموظفين كانهم قبضوا ال200% بالذمة مش نكتة دى؟ نقولهم فى المعاشات يا اخوانا احنا مقبضناش ال200% يقولك مليش دعوة ده قرار على مستوى الدولة طيب ازاى ممكن حد يعرفنا ؟ حسبى الله ونعم الوكيل

14

تطبيق الحد الأدنى للأجور بالقطاع الخاص فى أكتوبر المقبل

بواسطة: MARO

بتاريخ: السبت، 20 أغسطس 2011 04:51 م

العاملين المدنيين بالشركات التابعة لجهاز الصناعات والخدمات البجرية التابع لوزارة الدفاع يبقوا تبع القطاع الحكومى والا القطاع الخاص ! أصل احنا ماشوفناش ولا حد ادنى ولا مبلغ 700 ولا حاجة انا على الدرجة السادسة ومرتبى لا يتعدى 400 جنيه . ما حدش يعرف اجنا تبع ايه ؟

15

لم يتم حتى الآن تطبيق الحد الادنى للاجور للعاملين بالحكومة

بواسطة: توتا

بتاريخ: السبت، 20 أغسطس 2011 04:56 م

تطبيق الحد الادنى للاجور للحكومة لم يتم حتى الآن انا بقالى 18 سنة باشتغل ودرجة ثانية ومرتبى كان 460 وزاد 3 جنيهات فقط علاوة فى شهر يوليو اصبح 463 فأين الحد الأدنى الـ700 جنيه المفروض انه للدرجة السادسة - فمتى يبدأ تطبيق الحد الأدنى للحكومة ؟

16

واللي يعيش ياما يشوف

بواسطة: احمد سمير

بتاريخ: السبت، 20 أغسطس 2011 06:12 م

700 جنيه ؟؟؟طيب تعالوا نحسبها ايجار شقة600+ نور 90+ مياه30+ اكل وشرب600+ اجرة زبال20 + مواصلات 100 ده طبعا غير مصاريف المدارس والدروس والملابس والفسح والمتنزهات وكروت الشحن ومصاريف الزياده ف الايجار بتاع الشقه حسبيا الله ونعم الوكيل ف كل ظالم مش هنقول اكتر من كده

17

حرام عليكم 700 جنية

بواسطة: tam

بتاريخ: السبت، 20 أغسطس 2011 06:14 م

والله حرام عليكم بقى تدو 1200 للشغال فى الحكومة ومابعملش حاجة ومرتاح فى المعاش ومرتاح فشغلو ويروح ويجى فعزبة ابوة ونايم واكل فبيتو واحنا فالقطاع الخاص ناخد 700 جنية وبنشتغل ويطلع ابونا فالشغل و البعد عن البيت لمسافات و وورادى صبح وليل ومعاشات اخر المدة 65% بس من الأساسى اللى مش محصل 125 جنية يعنى اللى هياخدهم 60 دة لو حصلهم بعد خدمة 30 سنة انتى حكومة بنت تيت وكل نقطة عرق بتنزل منا مش مسامحينكم ولا مسامحين حتى فتساهلاتكم حسبى الله ونعم الوكيل فيكم

18

قطاع الاعمال

بواسطة: ياسر الجندى

بتاريخ: السبت، 20 أغسطس 2011 06:19 م

ماذا عن قطاع الاعمال العام و خاصة شركات الادوية

19

حسبى الله ونم الوكيل

بواسطة: حسبى الله ونم الوكيل

بتاريخ: السبت، 20 أغسطس 2011 07:09 م

حسبى الله ونم الوكيل

20

القاهره

بواسطة: فاعل خير

بتاريخ: السبت، 20 أغسطس 2011 07:17 م

موت يا حمار

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع