"الأعلى للجامعات الخاصة" يقرر قبول "علمى علوم" بكليات الهندسة

الإثنين، 06 يونيو 2011 - 01:08 م

الدكتور عمرو عزت سلامة وزير التعليم العالى

كتب محمد البديوى

قرر المجلس الأعلى للجامعات الخاصة برئاسة الدكتور عمرو عزت سلامة قبول طلاب الثانوية العامة فى قسم "علمى علوم" الذين لم يدرسوا مادة رياضة 2، أو الذين تنقصهم مادة مؤهلة واحدة، فى كليات الهندسة وعلوم الحاسب وتكنولوجيا المعلومات بالجامعات الخاصة، وذلك اعتبارا من الفصل الدراسى الأول للعام الجامعى الجديد 2011/2012.

من جانبهم انتقد أساتذة بالجامعات الحكومية وكلية الهندسة، القرار السابق، معتبرين أنه يخالف اللوائح والقوانين إذ أنه لا يجوز السماح لطالب لم يدرس الرياضيات فى الثانوية العامة بدخول كلية الهندسة، حتى إذا عقد له امتحان تكميلى أو تم تدريس "الرياضيات" له فى الفرقة الأولى بـ"الهندسة".

واعتبر الدكتور عادل عبد الجواد الأستاذ بكلية الهندسة جامعة القاهرة، أن القرار لا يجوز، مشيرا إلى أنه سيجتمع هو وزملائه بالكلية لمعرفة نتائج هذا القرار، وتأثيره.

وتسبب القرار فى حالة من البلبلة، واعتبره عدد من الأساتذة الذين فضلوا عدم ذكر أسمائهم قرار "تفصيلا" تم تفصيله خصيصا لصالح الجامعات الخاصة، وتساءلوا هل سيتم تطبيقه فقط فى الجامعات الخاصة أم سيتم تعميمه فى الجامعات الحكومية.

من جانبه أكد الدكتور ماجد عبيدو المدرس بكلية هندسة جامعة عين شمس أن القرار خاطئ، وسيؤثر على الطلاب وسمعة الكلية، ويؤدى لضعف المستوى العلمى للخريجين، وقال "إذا كانت مادة الرياضيات هى المادة المؤهلة لهذا التخصص تحديدا فكيف يتم استثناؤه منها، ومن المقبول دراسة طلاب الـ "ig" والدبلومة الأمريكية، ولكن كيف يعقل أن أستثنى طالب من مادة الفيزياء أو رياضة 2، ثم نسمح له بدخول كلية الهندسة".

تعليقات (59)

1

ازاى يعنى

بواسطة: عبدالرحمن

بتاريخ: الإثنين، 06 يونيو 2011 01:11 م

المفروض المسئولين بتوع الجامعات الخاصة دول يتعدموا.......

2

قرار غريب جدا

بواسطة: Mostafa

بتاريخ: الإثنين، 06 يونيو 2011 01:15 م

ازاى يعنى يدخلوا هندسه وهما مدرسوش رياضيات 2 والكليه كلها قايمه على رياضه 2 طيب يبقا لازم بقا يسمحوا لطلبة علمى رياضه انهم يدخلوا طب وصيدله

3

مالهدف؟؟؟؟؟؟؟؟؟؟؟؟ظ

بواسطة: د. عاطف وليم أندراوس

بتاريخ: الإثنين، 06 يونيو 2011 01:20 م

إذن مراعاة لاعتبارات العدالة يكون من حق طلبة شعبة الرياضيات الالتحاق بكليات الطب ، والصيدلة وطب الأسنان، هل نحن حقاً في مرحلة ما بعد 25 يناير جادين لتطوير نظم التعليم والارتقاء بقدرات الطلاب ومهارتهم لكي تلبي حاجات سوق العمل، أنا أفهم إذا كان هناك رغبة في تشجيع الجامعات الخاصة فإن ذلك يمكن أن يتم بأساليب أخرى دون المساس بمستوى التعليم ومستويات مخرجات العملية التعليمية. القرار المذكور مريب إذا لم يقترن بأي شروط تطلب من الطالب قبل التحاقه بكلية الهندسة كالاشتراط المسبق بإجراء واجتياز اختبارات في المواد الرياضية التي لم يدرسها، ياسادة سمعة التعليم المصري في المنطقة لم تعد جيدة، فلماذا نزيدها سوءاً بمثل هذه القرارات غير المدروسة، لا ينبغي التضحية بالهدف العام في سبيل أهداف خاصة فئوية، الرجا التدخل بشكل سريع لحسم هذا الموضوع حفاظاً على سمعة التعليم المصري ومتعلميه.

4

هيس

بواسطة: Ahmed Elshami

بتاريخ: الإثنين، 06 يونيو 2011 01:21 م

ده هربت منكو خالص

5

شهادات للبيع

بواسطة: مهندس محمد

بتاريخ: الإثنين، 06 يونيو 2011 01:22 م

كفايه بقي كده خريج الهندسه الخاصه ضعيف مع المواد الموهله اقترح تسعير شهاده كليه الهندسه ولي معاه ثمنها يشتيرها وكفا الله المومنين شر القتال

6

ده مش جديد

بواسطة: اسلام حمدي علي

بتاريخ: الإثنين، 06 يونيو 2011 01:25 م

ده مطبق عندنا في الجامعة ان طالب علم علوم عشان يدخل هندسة بياخد math 0. mechanics 0, physics 0 قبل ما يدخل ترم اول

7

ما الذي يمنع طالب الادبي من دخول الهندسة

بواسطة: رفاعي الابنودي

بتاريخ: الإثنين، 06 يونيو 2011 01:28 م

طالب الادبي يدرس رياضه 1 تماما مثل طالب علمي العلوم فهي من المواد الاجباريه علي جميع الشعب اذا فمن حق طالب الادبي ان يدخل هندسه لانه درس نفس الكم في الرياضيات اذا لماذ التشعيب في الاساس فمن حق اي طالب يدخل اي كليه
الرجاء سيادة الوزير حرام عليكم البلد ضاعت تعبنا من القرارات العشوائيه اللمفاجئه والغير مدروسه من النظام القديم والحديث

8

فيه عجايب ياما هنشوفها فى مصر

بواسطة: احمد

بتاريخ: الإثنين، 06 يونيو 2011 01:30 م

هو التعليم بقى كوسة كدا ليه وقرارات زى الزفت كدا ليه
يعنى ايه واحد مدرسش رياضة 2 ويدخل هندسة فى حين ان فيه ناس كتير بيدرسوا رياضة 2وممكن ميدخلوش هندسة بسبب المجموع كدا هيبقى فيه ظلم كبير ولو كدا ليه بقى كان طبقوا نظام السنة الواحدة وكانوا بردوا طبقوا نظام واحد يعنى العلمى علمى والادبى ادبى وريحوا دماغهم

عمااااااااااااااااااااااااار يامصر

9

؟؟؟؟؟؟؟؟؟؟؟

بواسطة: mina

بتاريخ: الإثنين، 06 يونيو 2011 01:31 م

قرار غلط جدا

10

سبوهم يتعلما يمكن يطلع منهم عبقري

بواسطة: ملاك الجنة

بتاريخ: الإثنين، 06 يونيو 2011 01:31 م

والله لا فارقة رياضة 2 من عدمه
الطالب يدخل الكلية يدرس حاجة تانية خاااااااااااااالص وممكن تتفجر طاقاته في مواد وعلوم وأقسام بعيدة عما درسه بالمرة ... اعطوهم الفرصة يدرسوا وكده كده لو مش مستوعب مش حيكمل وزنبه علي جنبه وبعدين تعالوا يعني الباشا لو كمل وإتخرج حيعمل غيه باللي درسوا؟؟؟؟..أقل من 1% هما إللي بيكملوا بحث ودراسة وبيستفيدوا من التخصص والباقي بيشتغل في أعمال بعيدة تمااااااااااااما عن ما درسه وممكن يشتغل سيلز في محل قطع غيار كمبيوتر عشان الباشا مهندس.... سبوهم الله يخليكوا بلاش الكلكعة.

11

كفففففففففايه بقه اتقوا الله

بواسطة: سوسو

بتاريخ: الإثنين، 06 يونيو 2011 01:31 م

بقه واحد مخدش ماده رياضه 2 يدخل هندسه اللي هي اساسها رياضه ازااااي ولا عشان شويه فلوس نطلع مهندسين فاسدين وخايبيبن وكله علي دماغ البلد
التعليم الجامعي الخاص ده عايزله ثوره اصلا هو جيه ايام النظام القديم اللي كان معاه فلوس كان ممكن يشتري اي حاجه ....لو عايزين تعليم خاص بجد يبقه يتعامل نفس معامله التعليم الحكومي في القبول بس ياخد مميزات تانيه من حيث قله عدد الطلبه وتوافر الامكانيات اللي ممكن متكونش متوفره في الحكومه طالما بيدفع فلوس
لكن مش يبقي جايب 70%وداخل هندسه خاصه واللي جايب90%مش لاقي مكان

12

والله ظاطت

بواسطة: هههههههههههههههههههه

بتاريخ: الإثنين، 06 يونيو 2011 01:35 م

مش بقولكو يا جدعان كل من هب ودب عاوز يدخل هندسه طب ازاى هما مدرسوش رياضه وعاوزين يدخلوها ..... مصيرر الهندسه مجهول وأصبح فى خطر والله بعد الامتحانات هنعمل لهم وقفه من حديد ....

13

ازاى يعنى هية ناقصة جهلة كمان فى الهندسة

بواسطة: cobra

بتاريخ: الإثنين، 06 يونيو 2011 01:35 م

يا عالم ياهوة اللى مابيحبش الرياضيات مايدخلش الموضوع مش عافية فية ناس ما بتستوعبش الارقام دى موازيين عالمية انتو بتستهبلو

14

صلاح الحال من المحال

بواسطة: خالد الرفاعي

بتاريخ: الإثنين، 06 يونيو 2011 01:35 م

حسبنا الله ونعم الوكيل

15

وجهة نظر

بواسطة: م/ مصطفى الزيني

بتاريخ: الإثنين، 06 يونيو 2011 01:37 م

انا احد طلاب التحسين وبمنتهى الامانة اسهل واضعف مجموعة مؤهلة بالثانوية العامة كانت مجموعة الهندسة لان كان فيها رياضة 1 منتهى ضعف المستوي والطالب الضعيف جدا كان بيجيب 48 من 50 تمام ده اولا
ثانيا بالنسبة لرياضة 2 هي مش بالصعوبة البالغة دي انها تعتبر شرط دراستها عشان تدخل كلية الهندسة بالعكس رياضة 2 انتهكت خلاص واتعرف ايه الي بيجي في الامتحانات وكل الطلبة والمدرسين عارفين ده
ثالثا: اغلب خريجي الهندسة وجميع كليات مصر بمنتهى الامانة وانا بقول اغلب مش الكل منتهى تدني المستوى العلمي والفكري ولازم التعليم يتطور ونطلع من دماغ الطالب فكر كلية القمة والكلام الفارغ ده

تحياتي للجميع

16

العلوم الهندسية

بواسطة: المصرى

بتاريخ: الإثنين، 06 يونيو 2011 01:39 م

قرار من الثورة يعنى لازم المهندس يكون بيعرف رياضة او فيزياء طب هو هيعمل بيها اية دة ممكن يكون مهندس بشرط حصولة على شهادة محو الامية فى خيبة كدة وبعدين هنسيب الوكسة لمين يابلد عوزة ولد فينك ياولد

17

علمى رياضة يدخلوا طب

بواسطة: A Morgan

بتاريخ: الإثنين، 06 يونيو 2011 01:42 م

ما طلبة علمى رياضة يدخلوا طب كمان

18

الثانوية العامة ليست مقياس

بواسطة: محمود ناصر صلاح

بتاريخ: الإثنين، 06 يونيو 2011 01:47 م

عايز اققول كلمة بمنتهى الصراحة وبمنتهى الامانة والي اغلب خريجي الهندسة والطب مع التحفظ اني طبيب

طالب الهندسة والطب خاصة مع الاسف الشديد خاصة مع تعديلات الثانوية العامة يعيش في وهم كبير بانه ذات عقلية متميزة ولكن وللاسف هذه ليست الحقيقة

طالب كان بيحفظ من غير فهم وعمال ياخد دروس خصوصية عشان في الاخر يطلع دكتور عشان بابا وماما عايزينه يبقى دكتور

طيب الطالب ده سال نفسه مرة واحدة انت نفسك تكون ايه او هتنجح في ايه ممكن يكون محامي شاطر او مدرس او محاسب او 00000000

لكن بلدنا بلد فكر الدكتور والمهندس وخلاص

19

يا خسارة رياضة 2 الى حرقنا دمنا فيها :S

بواسطة: Aya

بتاريخ: الإثنين، 06 يونيو 2011 01:55 م

والله الواحد بقى كده يتحسر على حاله من امتحانات رياضة والجدول الجميل بتاعها وحرقة الدم الى كنا فيها ايام ثانوية عامه علشان ندخل حاسبات
وبعد كده يجو يقوللنا قال ايه مش مهم الى يدخل هندسة او حاسبات يدرس رياضة 2
ايه الهبل ده؟؟؟!!!!!!!!!!

20

__

بواسطة: شيماء

بتاريخ: الإثنين، 06 يونيو 2011 02:08 م

يالااااااااااااااااااااااااااا
بجمله

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع