"التعليم" تعلن نتيجة امتحان الكادر ونسبة النجاح 94%

الثلاثاء، 31 مايو 2011 - 05:41 م

الدكتور أحمد جمال الدين موسى وزير التربية والتعليم الدكتور أحمد جمال الدين موسى وزير التربية والتعليم

كتب حاتم سالم

اعتمد الدكتور أحمد جمال الدين موسى، وزير التربية والتعليم، مساء اليوم الثلاثاء، نتيجة امتحان كادر المعلمين المساعدين بنسبة نجاح قالت الوزارة إنها بلغت 94.09 % من إجمالى عدد المتقدمين للاختبارات وعددهم 76 ألفا و 328 معلما ومعلمة.

وأصدرت وزارة التعليم بياناً اليوم أوضحت فيه أنها ستنشر نتيجة اختبار الكادر على موقعها الرسمى غداً الأربعاء، كما سترسل فى الوقت ذاته كشوف أسماء من اجتازوا الاختبارات إلى المديريات التعليمية بالمحافظات، تمهيداً لإصدار قرارات بتسكين الناجحين على أن يتولى المحافظون إصدارها.

وأكد البيان أن نسبة نجاح المعلمين المساعدين المستجدين بلغت 94.25 % فيما بلغت نسبة النجاح لمن أدوا اختبار أول إبريل كدور ثانى 93.49 %.

تعليقات (35)

1

امتحانات علي نظام الانتخابات السابقة

بواسطة: د/ عزالعرب

بتاريخ: الأربعاء، 01 يونيو 2011 12:24 ص

كنا نود من وزير التعليم الجديد الغاء هذه المهازل ، كل هذا كلام فاضي ولا فيه دراسة ولا فيه امتحانات وكله بينقل من كله ورزق الهبل علي المجانيين، انتم تريدون زبادة مراتبات السادة المدرسين هذا واجب ومفروض لكن لا يربط ذلك بامتحان لراجل سنه 55 سنه او خلاص طالع معاش ، حاجة ثانية كان مفروض يكون اي زيادات مقابل عمل زيادة لكن انتم ضيعتم معظم افراد هذا القطاع، الذي ترك مهمة التعليم فعلياً وتوجه للمشاركة في الاعمال الحرة، لتحسين دخله ممكن يترك مرتبه لمدير المدرسة وهو يسترزق والمدير يدبر له أمور حصصه، صدقوني هو اللي ماشي فأحنا بهذه الطريقة بننفخ في قربه مقطوعة .... يا ريت كفاية كلام تهريج واللي يعمل يأخذ علي قدر عمله واللي يهرج مفروض يكون ملوش مكان في الدولة الجديدة وبلاش طبطبه حرام عليكم دا مستقبل بلد مش مستقبل فرد.

2

اين مدرسي الجيزة

بواسطة: سعد الجمل

بتاريخ: الأربعاء، 01 يونيو 2011 12:25 ص

متي يكون امتحان معلمي الجيزة

3

تسويات

بواسطة: الاسم مؤهل

بتاريخ: الأربعاء، 01 يونيو 2011 12:27 ص

اين يا وزير التربيه والتعليم التسويات للحاصلين علي مؤهل اثناء الخدمه فين

4

مدرس من المحلة و مطحون في سيوه وااااااحة سيوة

بواسطة: عمرووجيه

بتاريخ: الأربعاء، 01 يونيو 2011 12:30 ص

تعبنا كتييير اوي بالزات اللي زينا في الواحات والمناطق النائية اللي من المحلة و اللي من المنصورة و اللي من البحيرة و الصعيد و ما بياخدوش اي بدلاااات خالص و سيبين اهلنا و متغربين و نايمين علي الارض بس الحمد لله

5

ليه 11% خصم من المكافأة

بواسطة: محمد

بتاريخ: الأربعاء، 01 يونيو 2011 12:35 ص

سيدى الوزير مرسل لسيادتكم صورة من مذكرة نرجوا النظر فيها بأهتمام والرد عليها قبل ادارة العامرية محافظة الاسكندرية ماتقوم بتنفيذها لانها فيها ظلم كبير لمدرسين ادارة العامرية
نحيط سيادتكم علما بان ادارة العامرية بمدينة الاسكندرية تقوم بخصم 11% من مستحاقتنا المالية بدون وجه حق وقد قامت بالفعل بخصم 11% من شهر المولد النبوى الشريف ومكافأة أعمال الملاحظة والتصحيح وستقوم بخصم 11% من مكافأة الامتحانات وذلك بدون وجه حق وهو ما لم يتم بأى ادارة اخرى بالمحافظة لذلك نهيب لسيادتكم لرفع الظلم واسترداد حقوقنا وذلك من منطلق روح الثورة وتحقيق العدالة والمساوة وذلك لعدم ضياع حقنا المادى كما سبق بالسنوات الماضية

6

يارب ولــــــــــــــــــــــــــــــد والكادر قطع الخلاوفه

بواسطة: شـــــــــــــــــريف 2011

بتاريخ: الأربعاء، 01 يونيو 2011 12:35 ص

ان من اصعب المواقف الانتظار واصعب من الانتظار نتيجه السقوط وان تكون من 6%

7

يارب النجاح التوفيق للجميع

بواسطة: حماده الشرقاوي

بتاريخ: الأربعاء، 01 يونيو 2011 12:48 ص

ربنا يجعلها أخر المتاعب ونستريح وكفاية جري علي السكك.وربنا يكرمك ياابو عيسي وابوسيف وسمير وابو الامام وابورزق.
اخوكم حماده

8

القاهره

بواسطة: mido

بتاريخ: الأربعاء، 01 يونيو 2011 01:16 ص

ياااااااااارب انجح ادعولنا

9

معلمي الخليج

بواسطة: إسماعيل باشا

بتاريخ: الأربعاء، 01 يونيو 2011 01:18 ص

أليس من حق المعلمين المغتربين اختبار الكادر في العطلة الصيفية نتمنى العدالة

10

ولاده متعسرة

بواسطة: لايائس مع الحياة ولا حياة مع اليائس

بتاريخ: الأربعاء، 01 يونيو 2011 01:22 ص

احمدك يارب

11

الحمد لله

بواسطة: طارق

بتاريخ: الأربعاء، 01 يونيو 2011 04:41 ص

نجحت نجحت نجحت نجحت

12

الى التعليق رقم 12

بواسطة: محمد رمضان

بتاريخ: الأربعاء، 01 يونيو 2011 05:59 ص

متزعلش يا عمرو انا نفس دفعتك وكمان كلية اداب وقسم لغة اجليزية ومشتغلتش لحد دلوقت اشتغلت 3 سنين مدرس بالحصةف الازهر ويما جت العقود طردونى وشغلوا الاصغر منى عشات كان تربية وكمان دور يونيو الارزاق بالله انا دلوقت بشتغل دروس وف وقت الاجازة عايش ع السلف ويما تيجى الدراسه اشتغل عشان اسد اللى استلفتهم .عيشة والسلام

13

الحمدلله ظهرت وانا نجحت عقبااااااااااااااااااااااااااااااااااااال الباقى

بواسطة: حماده

بتاريخ: الأربعاء، 01 يونيو 2011 06:04 ص

يارب يوفق الجميع

14

كادر المعلمين

بواسطة: حمدي

بتاريخ: الأربعاء، 01 يونيو 2011 06:41 ص

يا معالي الوزير انامدرس و اعمل بالخارج ما مصيري مع الكادر ,ومش عيب لما نتمحن المعلم المصري ونسيء لسمعته امام العالم

15

لكم الله يا معلمي مصر .........

بواسطة: عزة

بتاريخ: الأربعاء، 01 يونيو 2011 06:44 ص

والله عيب اللي بيحصل ده علشان المعلم الغلبان يبقى بني آدم يعرف ياكل ويشرب ويصرف على أولاده ده إذا كان عرف يتجوز أصلاً ، لازم يدخل امتحان ويبقي مضحكة للناس ما هو بعد ما شاب وتعب من المهنة اللي أصبحت وصمة عار لصاحبها بيمتحن.أما الناس اللي همّا بتجلهم الفلوس من الهوا الطاير ، لأ ولسه بعد الثورة في امتحانات كادر ... حسبنا الله ونعم الوكيل.

16

افهم بقى

بواسطة: ابو الريد

بتاريخ: الأربعاء، 01 يونيو 2011 07:47 ص

افهم بقى مين اللى باعك واشتراك ؟؟؟ تحيا الثوره يا رجاله ؟؟ عاشت مصر ؟عاش المجلس العسكرى

17

مهزلة التأهيل التربوى

بواسطة: صقر الاسناوى

بتاريخ: الأربعاء، 01 يونيو 2011 09:12 ص

أيها السادة هناك مهزلة تسمى بمهزلة التأهيل التربوى ..بعد أن وصلنا للدرجة الأولى أو كنا على درجة كبير {يعنى قبل سن المعاش بقليل } بعد اجتيازنا لامتحان الكادر الملعون بعدهانفاجأ بما يسمى بالتأهيل التربوى. نطالب بالامتحان فى حوالى ثمانية عشر مادة أو يزيدون أغلبها مواد فلسفية لاقيمة لها معناوضقنا بها. فرجاء من فضيلة مولاناوشيخنا الفاضل شيخ الأزهر الشريف الحفاظ على كرامتنا والسرعة بإلغاء مايسمى بالتأهيل التربوى الذى هو يعد قمة الفسادواهدار المال العام فنحن على الدرجة الأولى أومافوقهاوقد بلغنا من العمر عتيا!!!!!!!!!!

18

ظلم

بواسطة: محمودالاسيوطي

بتاريخ: الأربعاء، 01 يونيو 2011 10:07 ص

ليه الثوره فشلت في القضاء علي الظلم .انتظروني في ميدان التحرير......فاماالكرامه واما الشهاده

19

حيرتونا

بواسطة: مجمد العربى

بتاريخ: الأربعاء، 01 يونيو 2011 10:14 ص

الدرجات موقوفه الترقيات موقوفه اى كادر يتحدث عنه هذا الوزير هذا الوزير افضلوضعه فى متحف للقرجه عليه ارحمونا بقى يرحمكم الله

20

مبروووووووووووووووووووووووك

بواسطة: عبد الله

بتاريخ: الأربعاء، 01 يونيو 2011 10:23 ص

الف مبروك لكل من ساهموا فى هذا العمل العظيم وبذلوا كل غال ورخيص من أجل رفع رأس المعلمين المصريين ز

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع

الأكثر قراءة

الأكثر تعليقاً