علاء عبد الفتاح يدلى بصوته فى لجنة خاصة بسجن طره

الخميس، 15 ديسمبر 2011 - 04:12 م

الناشط علاء عبد الفتاح

كتب إبراهيم أحمد وأحمد حربى

أدلى الناشط علاء عبد الفتاح بصوته فى انتخابات المرحلة الثانية، بعد أن توجهت، منذ قليل، لجنة خاصة من القضاة إلى سجن طره، لتمكينه من التصويت، بالإضافة إلى 5 أشخاص آخرين من المتهمين فى أحداث إمبابة.

كانت الجنة العليا للانتخابات قد أرسلت صندوقاً انتخابياً إلى قطاع مصلحة السجون لتمكين 6 سجناء من الإدلاء بأصواتهم اليوم، الخميس، فى الجولة الثانية من انتخابات مجلس الشعب التى تجرى فى 9 محافظات.

يذكر أن محكمة القضاء الإدارى كانت قد أصدرت حكماً لصالح الناشط السياسى علاء عبد الفتاح مكنه من الإدلاء بصوته فى انتخابات مجلس الشعب، حيث تسلمت اللجنة القضائية العليا للانتخابات الحكم ووجهت بتنفيذه على الفور، فيما قام المتهمون الخمسة الآخرون بتقديم طلب إلى اللجنة للإدلاء بأصواتهم فى الانتخابات ووافقت اللجنة عليه.

قررت اللجنة العليا للانتخابات، برئاسة المستشار عبد العز إبراهيم، تشكيل لجنة خاصة من القضاة للانتقال إلى سجن طره، وذلك لتنفيذ الحكم القضائى الصادر فى حق المواطن علاء عبد الفتاح المسجون احتياطياً لتمكينه من الإدلاء بصوته فى المرحلة الثانية من الانتخابات بالدائرة التى ينتمى إليها.



موضوعات متعلقة:

لجنة خاصة تتوجه لطرة لتمكين علاء عبد الفتاح و5 آخرين من التصويت
http://www.youm7.com/News.asp?NewsID=554900

تعليقات (20)

1

ربنا معاك

بواسطة: رءوف احمد العجوز

بتاريخ: الخميس، 15 ديسمبر 2011 04:21 م

انت رمز للشباب المحترم المناضل لكن ثوابك عند الله ولك من شباب الثورة كل التحية فنحن فى عالم غريب الثوار يتحاكموا فى محاكم عسكرية والبلطجية شغالين محدش بيقول لهم بتعملوا اية وعندى لك فكرة كويسة بعد خروجك ان شاء الله اشتغل بلطجى وصدقنى هتبقى حبيب رجال الداخلية لانهم متعودين على بلطجية جهلة ومن سكان العشوائيات او الارصفة لكن انت ابن ناس محترمة . فرج الله كربك وتعود لاسرتك سالما معافا

2

نشكر المجلس العسكرى

بواسطة: خدعوكى يامصر

بتاريخ: الخميس، 15 ديسمبر 2011 04:25 م

على هذا الناشط التفكير لللترشح لرئاسه الجمهوريه .......مصر فى حاجه لهولاء الشرفاء

3

صـــــــــــــــــــــــــــــــوته

بواسطة: محمد

بتاريخ: الخميس، 15 ديسمبر 2011 04:25 م

ربنا يخرص صوته

4

الف مبروك يا مصر

بواسطة: وليد

بتاريخ: الخميس، 15 ديسمبر 2011 04:26 م

الف الف مبروك يا مصر لابد ان تنعمى بالحرية والديمقراطيه والتقدم والتطور والتقوقع والتشرذم والتشنجات العصبيه كمان طالما ان السيد علاء عبد الفتاح بجلالة قدره ادلى بصوته . هل هناك بعد ذلك شىء يمكن انتظاره ان هذه الخطوة كفيله تماما بالقضاء على عجز الموازنه والبطاله كمان وسوف توفر لكل شاب شقة وعروسه . انا لم اتمالك نفسى من البكاء من الفرحه بعد قراءة هذا الخبر ولا يسعنى الا ان اقول حسبى الله ونعم الوكيل . من هو علاء عبد الفتاح هذا اليس هو المتهم بسرقة سلاح الجيش المصرى اللى هو جيشنا مش جيش الاعداء والهجوم على افراد القوات المسلحه المصرية مش الاسرائيليه اللى هم اولادنا واخواتنا !!!!!!!!!!!!!!!!!!!!!!!!!!!!!!!! مليون خساره

5

عسى ان تستريح

بواسطة: sophemohamed

بتاريخ: الخميس، 15 ديسمبر 2011 04:42 م

والله الثوره جابت نتيجه وياريت نتعلم ونعقل

6

تصويت ديلفيرى

بواسطة: اشرف عبد المنجى

بتاريخ: الخميس، 15 ديسمبر 2011 04:57 م

هذه الخدمة للناشط فقط وبعد الحكم ستسمر الخدمة وتصوت فى انتخابات الرئاسة والدورتين البرلمانيتين 2015 و2019 وانت فى زنزانتك معزز مكرم مع كل النشطاء والذى سيثبت القضاء المصرى الشريف مدى نشاطكم

7

وتبقى مصرنا

بواسطة: said zayed

بتاريخ: الخميس، 15 ديسمبر 2011 05:05 م

على هذا الناشط التفكير لللترشح لرئاسه الجمهوريه .......مصر فى حاجه لهولاء الشرفاء
ولما لا انا على يقين انه سوف يرفع مصر عاليا لانه سوف يرتقي بالتعليم وخاصة قسم ناشط سياسي حتى يصبح فى مصر 86 مليون ناشط سياسي الان ليس من الحكمة والعقل ان نظل ثائرين الى الابد والان يجب ان نبني الوطن الان وكما قال الدكتور جنزوري ربنا يقويه الامن والاقتصاد واضيف انا الاعلام المحترم لان الاعلام حاليا هو الذي يهدم الامن والاقتصاد وحتى يقتل الامل ايها الاعلاميون وبرامج التوك شو كفاكم من الاموال ما حصدتم ولنبني الوطن يا من تتقاضون ملايين الدولارات لعل الله يغفر لنا ولكم واذكركم بالقول ( اجمع من الدنيا فلا تدري لمن تجمع)

8

رقم 3 اتقى الله

بواسطة: محمد فوزى

بتاريخ: الخميس، 15 ديسمبر 2011 05:10 م

علاء وامثاله هم اللى خلوا ليك صوت اصلا فعلا شعب قليل الاصل ينساق وراء المظاهر ووراء اى شخص بلحية وجلباب حتى لو كان فاسد

9

والله ما تستاهل

بواسطة: alaa

بتاريخ: الخميس، 15 ديسمبر 2011 05:12 م

والله ما تستاهل يا الفوضوي

10

لا للشيطان

بواسطة: مصرى

بتاريخ: الخميس، 15 ديسمبر 2011 05:13 م

ارجو منه ان يدلى بصوته فى اى بلد من احباءه وان يرحم مصر ويبعد بشعره ده عنها عايزين رجاله مش ناس عايزه تخرب مصر

11

ربنا يهديك يااخ علاء

بواسطة: عاشق ترابك يامصر

بتاريخ: الخميس، 15 ديسمبر 2011 05:36 م

برغم حبى ليك بس ياريت تكون حلقت شعرك واهتميت بنفسك كدا وانت فى السجن.

بلاش موضة الشعر دى بتاعة ابو لهب فى شبابه.

12

عقاب جديد

بواسطة: محمد محمود

بتاريخ: الخميس، 15 ديسمبر 2011 05:38 م

ايه رايكم لو عاقبنا اى واحد ثائر واخطأ فى التعبير عن ثورته بالعقاب بقضاء ساعات خدمة للوطن محددة فى اعمال خدمية مثل توزيع السلع المدعومة على مستحقيها وان كان حب للوطن يكون بالعمل وليس بالغضب دائماً نصل الى الامانى

13

يعنى الـــ 6 أصوات دول هيغيروا حاجه

بواسطة: abo_arab31

بتاريخ: الخميس، 15 ديسمبر 2011 05:48 م

أنا مش شايف إن الخبر ليه قيمه
وعلاء شخص عادى مش ليه كل الدعايا ديه
ومش كان ولا هيكون رمز لشباب مصر
المصريين هما اللى بيرفعوا من مصر مش اللى بيشتموا رموز مصر مهما كانوا نعاقبهم لكن بأدب اللى غتعودنا عليه

حفظك الله يا مصر
مصرى معتدل

14

احد المفسدين

بواسطة: كامل سمير

بتاريخ: الخميس، 15 ديسمبر 2011 05:50 م

ان مثل هؤلاء لابد ان يحاسبوا بتهمه الافساد فى الارض على الاقل ينفوا من مصر لانهم خانوا وباعوا الوطن من يريد هدم بلده فهو خائن من يريد نشر الفوضى وقطع الطريق والتحريض فهو مفسد فى الارض

15

علاء باشا زغلول

بواسطة: adam

بتاريخ: الخميس، 15 ديسمبر 2011 05:53 م

اية الاهتمام دة حتت عيل لاراح ولاجة يريت تشفلنا واحد زى احمد زويل تجبلنا اخبارة ارحمونا من الاشكال ديت

16

الحق حق ان يتبع

بواسطة: احمد مديح

بتاريخ: الخميس، 15 ديسمبر 2011 05:58 م

مين علاء عبد الفتح
الشعب كله قام بالثوره ومجلس الشعب هيمثلنا والمجلس العسكري يسير الامور حتي انتهاء الفتره
لكن مين علاء عبد الفتاح ده
حركه 6 ابريل والبرادعي كانو مستنيين الشعب يعمل ثوره ع ينتفضوا معاه ومتنسوش كلام البرادعي انا هرجع لما مليون واحد يعملو ثوره

امال راجع لزمتك ايه
المناضل الحق يبققي في ميدان المعركه واما ينتصر او حتي يقتل ويسجن ويعذب
يعني بصراحه ايمن نور بالرغم من في تحفظات كتير جدا عليه لكن اشجع واقوي من هذا البرادعي
مجلس الشعب اللي هيمثلنا مشش اي واحد يسمي نفسه شباب الثوره
علي فكره انا شاب 25 سنه وكنت ف التحرير 25 و 28 ويوم جمعه الاسلاميين

17

زهقتونا

بواسطة: hamed

بتاريخ: الخميس، 15 ديسمبر 2011 05:58 م

زهقتونا بالخبر والصوره هو مفيش غير علاء ده اللي تجيبو اخبار عنه وعن صوره مفيش غيره اللي اتحبس انا زهقت منه

18

الى الخبل المشارك رقم 8

بواسطة: ابو كريم

بتاريخ: الخميس، 15 ديسمبر 2011 05:59 م

الى الخبل المشارك رقم 8 مكانك العباسية في السرايا الصفراء

19

هو بطل لكن متهم

بواسطة: عبدالحميد هيكل

بتاريخ: الخميس، 15 ديسمبر 2011 06:01 م

هو متهم بالتعدي علي القوات المسلحة وسرقة سلاح ميري ويجب عتقابه

20

يا عم ولا لجنة تروح ولا لجنة تيجي ، الموضوع مش مستاهل، على كده مبارك من حقو يدلي بصوته ، ص

بواسطة: عبدالرحمن

بتاريخ: الخميس، 15 ديسمبر 2011 06:04 م

ولا ايه

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع

الأكثر قراءة

الأكثر تعليقاً