الديلى ميل: البكينى يكتب نهاية شرم الشيخ

الأربعاء، 14 ديسمبر 2011 - 10:13 ص

صورة أرشيفية

كتبت إنجى مجدى

فى إطار تصريحات بعض الإسلاميين المتشددة فيما يتعلق بالسياحة، لم تتوان صحيفة الديلى ميل أن تعلن صراحة قائلة "إنها نهاية شرم الشيخ".

وتشير الصحيفة البريطانية إلى أن عدد مواطنيها الذين يذهبون للسياحة سنويا فى مصر يصل إلى 1.4 مليون سائح حيث يذهب 70% منهم إلى منتجعات البحر الأحمر، لكنها تتساءل عن مصير السياحة بمصر فى ظل تقييد الحريات التى يود الإسلاميون فرضها على هؤلاء السائحين من منع ارتداء البكينى أو شرب الخمر وفصل شواطئ الرجال عن النساء.

وقالت: إنه نهاية السياحة بشرم الشيخ، والذى يذهب إليها الأجانب لدفئ شمسها، من شأنه أن يتسبب فى كارثة لاقتصاد يعانى بشدة فى ظل الاضطرابات السياسية على مدار العام، مشيرة إلى اهتزاز ثقة المستثمرين الأجانب فى السوق المصرى والتى تشحنها تصريحات الإسلاميين المتشددة.

وترى الديلى ميل أنه بينما آراء السلفيين، أتباع المدرسة الوهابية السعودية، واضحة بشأن منع الخمور والبكينى، يبعث الإخوان المسلمين برسائل مختلطة مما يعكس ميلهم لترك قضايا السياحة جانباً من أجل مصلحة الاقتصاد. وتساءلت عن الوضع بالنسبة للغرف المزدوجة لغير المتزوجين، الأمر الذى لم يتحدث عنه أحد من الإسلاميين.

وتمثل عائدات السياحة 10% من إجمالى الناتج المحلى لمصر، حيث تستقبل مصر سنويا 35 مليون سائح والذين انخفض عددهم هذا العام بحوالى 40% بسبب الاضطرابات، ويتوقع المحللون تراجع عائدات السياحة لعام 2011 بمقدار الثلث إذ أنها لن تتجاوز الـ9 مليار دولار.

تعليقات (20)

1

يا راجل ما تخدش فى بالك

بواسطة: الإسكندرانى

بتاريخ: الأربعاء، 14 ديسمبر 2011 10:38 ص

سياحة ايه وبكينى ايه ما يتحرق السياحة ايه يعنى المهم تجارة السبح والبخور وتولع البلد با لفيها المهم السبح والبخور

2

لا للمايوه الشرعي

بواسطة: سلفي متحضر

بتاريخ: الأربعاء، 14 ديسمبر 2011 11:01 ص

بجد هتوحشوناااااااااااااااااااااااا يا أهل البكيني واوووووووووووووو

3

إنا لله وإنا إليه راجعون

بواسطة: sophia

بتاريخ: الأربعاء، 14 ديسمبر 2011 11:29 ص

وتساءلت عن الوضع بالنسبة للغرف المزدوجة لغير المتزوجين؟؟؟؟؟؟؟؟؟؟؟؟؟؟؟

4

ماشى

بواسطة: Mohamed

بتاريخ: الأربعاء، 14 ديسمبر 2011 11:51 ص

اللة يحرق البكينى و يحرق الخمرة الى مجنناهم دة خلاص البلد فى اذدهار و المعيشة رخيصة جدا و الى عايز يشترى شقة الاسعار دلوقى فى حدود 10000 جنية و الفيلا 25000 و الى عايز يغير عربيتة سهلة خالص 5000 جنية فقط الناس دة مش عايشة ومش حسة بالى احنا فية و يحسوا ازاى وهما عندهم تمويلات تعيشهم ملوك ,,,,انا بقالى 12 سنة شغال فى السياحة لو البشوات عايزين يلغوا السياحة يوفرولى وظيفة تانية و يكون مرتبها و بدلاتها زى الى انا بخدة دلوقتى , و على فكرة السياح دة بيحترموا البلد و عادتها , و بالنسبة للسياحة العربية فكل المشاكل منهم لا بيحترمونا ولا بيراعوا عادات البلد و هما دول فعلا الى بيدوروا على الدعارة و الخمور و الى مش مصدق يشوفهم فى شرم

5

اتقوا الله يا عباد الله

بواسطة: محمد إبراهيم

بتاريخ: الأربعاء، 14 ديسمبر 2011 11:52 ص

اتقوا الله يا عباد الله يجعل لكم مخرجا و لا تستهزءوا بما أمر به الله وبما نها عنه الله بل أفعلوا ما أمر به و أبتعدوا عما نها عنه.....أللهم لا تؤاخذنا بما نفعل من سفهنا

6

احنا شعب

بواسطة: مصري بجد

بتاريخ: الأربعاء، 14 ديسمبر 2011 12:05 م

احنا شعب تافه اوي ياجماعة سايبين التعليم والصحة والخدمات الاولية للمجتمع وبننظر للتفاهة دي ايه اللي حيجرى لما يتمنع الحاجات دي ممكن نعمل مقومات تانية للسياحة غير الحاجات التافهة اللي بتتكلمو عليها دي وابسط مثال على كدة قطر والامارات والبحرين شوفو السياحة عندهم جامدة ازاي اقل مننا بس بيعرفو ازاي يجيبو مصادر تانية _مرة استضافو احد رجال الاعمال الامارتيين قالو له ايه اللي ناقصقم من السياحة اكثر من اللي عملتوه قالو لو نملك مناطق اثرية وسياحية مثل مصر لامتلكنا الساحة العالمية وفقا للمبادئ الاسلامية وذكر من 4 سنين فالاهرام يجماعة والله اتزمنا بالكتاب والسنة اللي اوصى بها الرسول لقسم بالله لحنكون دولة قوية جدا وربنا يقول في كتابه العزيز (ولو ان اهل القرى اتقو وامنوا لانزلنا عليهم خيرات من السماء) صدق الله العظيم
مش لما نعتدل مش ممكن الله يملئ ارض مصر بترول تلاقي كل اللي بيحصل في السعودية والامارات من خيرات البترول تيجلنا هنا ونكون احنا من اهم الدول المصدرة للبترول وساعتها والله ولا واحد فينا حينظر للسياحة باي حاجة حنقول ساعتها البترول بمية من السياحة

7

بإختصار ، عندما يصبح البكينى والخمر حديث اهل مصر !!!!

بواسطة: محمد

بتاريخ: الأربعاء، 14 ديسمبر 2011 12:16 م

الحقيقة لما الشعب يقعد 9 شهور يتكلم عن البكينى والخمر والرقص وخايف انهم يتمنعوا ، لان الاقتصاد المصرى المزدهر والعظيم والحضارة المصرية الكبيرة والقديمة قائمة على البكينى والخمر والرقص ، تدرك جيدا ان الاسلامين عندما يريدون ان يمنعون هذا الكلام فهم على حق خوفا على عقول المصريين من الجنان.

8

عاشت شرم الشيخ حرة مستقلة

بواسطة: nader nader

بتاريخ: الأربعاء، 14 ديسمبر 2011 12:19 م

عاشت شرم الشيخ حرة مستقلة

9

الله الله ياعم الشيخ مهاجرين وانصار !!!!!

بواسطة: مفروس المفروس

بتاريخ: الأربعاء، 14 ديسمبر 2011 12:19 م

بيشبه نفسه السلفى حازم شومان انه من الأنصار وأين هو من الأنصار. كل سنة وانت طيب ياعم الذقن. ادخولوا المجلس وماتنساس توقف برة القاعة بمصاحف وبخور وريحة القسيس وكل واحد اخوان وسلفى اقصد مهاجر وانصار ياخد لحسة ريحة واطلقوا بخور عشان العين والحسد. يا أمه ضحكت من جهلها الأمم. أنشر بقى لوسمحت دول حيضيعوا البلد بلاش تطنش!!!!!!

10

هههههه هنسيب الشغل

بواسطة: mohdy

بتاريخ: الأربعاء، 14 ديسمبر 2011 12:21 م

حسيب الشغل واروح افرش بسبح وسواك وبخور على المحطه ههههههههههههههههههه

11

الاخوان اكثرالمصريين ليبرالية فلاتصدقوهم

بواسطة: sameh

بتاريخ: الأربعاء، 14 ديسمبر 2011 12:23 م

لن يمنعواالخموراوالمايوهات واقرءواكتبهم بخلاف السلفيين ولكن هناك عراقيل اقتصادية يضعهاالعسكرى فى الداخل والخارج لافشالهم وجعلهم اول واخرحكومة اسلامية فى التاريخ

12

خطأ مطبعي و ياريت يتحقق

بواسطة: سامح الجندي

بتاريخ: الأربعاء، 14 ديسمبر 2011 12:25 م

لا تستقبل مصر 35 مليون سائح سنويا ، ولكن الواقع أن مصر تستقبل حوالى 14مليون فقط

13

الحرة

بواسطة: واحد

بتاريخ: الأربعاء، 14 ديسمبر 2011 12:36 م

الحرة لا تأكل بثديها

14

مش هيحصل

بواسطة: محمد سلطان

بتاريخ: الأربعاء، 14 ديسمبر 2011 12:49 م

مش هيحصل ومصر مش هتبقى السعودية ولا الخليج
وهتفضل مدنية ومش هتحكموا
الي مش عاوز يشوف البكيني ميروحش !!
والي شايف ان دة حرام ميشتغلش فية ومتصدعوناش بقى
وتدمير السياحة بمنع الشواطئ لازم بقانون ورونا بقى ازاي هتمرروا القانون فمجلس الشعب

15

35 مليون !! يارييييت

بواسطة: سائح

بتاريخ: الأربعاء، 14 ديسمبر 2011 12:54 م

يا أ انجى عدد السائحين فى مصر لم يتجاوز 12 مليون مش 35 مليون !! بلاش فتى
و بعدين ياريت ما نتسرعش فى الحكم و خلاص ! قبل الدراسه
ممكن نعمل الغردقه رجال فقط و شرم الشيخ سيدات .
انتشار مصانع المايوه الشرعى بطول الساحل و عرضه مع امكانيه التصدير.
استقبال مليار سانح " ملتزم " سنويا

16

اتقوا الله

بواسطة: أبو سعيد

بتاريخ: الأربعاء، 14 ديسمبر 2011 12:56 م

ومن يتق الله يجعل له مخرجاً ويرزقه من حيث لا يحتسب ....
وفي السماء رزقكم وما توعدون
السياحة ليست بجاحة ولا وقاحة وإنما احترام وأدب ...واللي عايز يقل أد\به يولع في نفسه في بلده ــ ليس كل السياح قليلي الأدب ... وزنا وعغنا لا يجتمعان والعين تزني وزناها النظر

17

الى كل من يكرها التيار الاسلامى

بواسطة: مصطفى محمد محمد

بتاريخ: الأربعاء، 14 ديسمبر 2011 01:02 م

موتواااااااااااااااااااااااااااااااااااااا بغيظكم

18

هناك مليون طريقة

بواسطة: فارس مصري

بتاريخ: الأربعاء، 14 ديسمبر 2011 01:11 م

هناك مليون طريقة لحل مشكلة البيكيني اللي هتجننكم وطرحها السلفيين والاخوان عدة مرات

واظن ان الاخرة خير وابقى مش كل شوية تحسسوا الناس انهم هيموتوا من الفقر لو السياحة لم تعتمد على الخمرة والبكيني

19

مفيش فايدة

بواسطة: أبـــو عبــــــــــــــــــادى

بتاريخ: الأربعاء، 14 ديسمبر 2011 01:19 م

بيكنى وابكي عليا ولا تبكينى وتضحك الناس عليا

20

بداية شرم الشيخ وليس نهايتها

بواسطة: محمد

بتاريخ: الأربعاء، 14 ديسمبر 2011 01:43 م

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع