إصابة ضابطين ومقتل شخص فى هجوم مسلح على قسم روض الفرج

الإثنين، 17 أكتوبر 2011 - 04:54 م

قسم روض الفرج

كتب إبراهيم أحمد وحازم عادل - تصوير أحمد معروف

تعرض قسم شرطة روض الفرج عصر اليوم الاثنين، لهجوم مسلح من قبل أفراد عائلتين حملوا الأسلحة النارية وتوجهوا إلى مقر القسم، وأطلقوا النيران على ضباط الشرطة، وذلك بعد وفاة أحد أفراد العائلتين نتيجة فض ضباط القسم لمشاجرة عنيفة بينهما، وجار تحرير محضر بالواقعة، وتولى النيابة التحقيق.

بدأت أحداث الواقعة بتلقى مأمور قسم شرطة روض الفرج بلاغا بوقوع مشاجرة بين عائلتين وتبادلهما إطلاق النيران على بعضهم البعض، فأخطر اللواء محسن مراد مدير أمن القاهرة بسرعة انتقال ضباط قسم شرطة روض الفرج إلى محل النزاع والسيطرة على المشاجرة، وضبط طرفيها بالأسلحة التى بحوزتهم.

وبانتقال ضباط القسم تمكنوا عقب تبادلهم إطلاق النيران مع العائلتين من السيطرة على المشاجرة، وأسفرت تلك المعركة عن وفاة أحد أطراف العائلتين، وتم إعادة الهدوء للمنطقة، وتوصلت تحريات رجال المباحث إلى أن المشاجرة وقعت بين العائلتين بسبب خلافات بينهما على ملكية قطعة أرض كانوا يتنازعون عليها وهى التى شهدت الواقعة، واشتدت الخلافات بين الطرفين حتى وقعت المشاجرة بينهما.

وبعد مرور دقائق على الأحداث فوجئ ضباط قسم شرطة روض الفرج بأفراد العائلتين يحملون الأسلحة النارية ويطلقون الأعيرة النارية تجاه القسم، مما دفع ضباط القسم للتصدى ومبادلتهم إطلاق الأعيرة النارية، واستمر تبادل إطلاق النيران قرابة النصف ساعة حتى تم السيطرة على العائلتين، وأسفر تبادل إطلاق النيران أمام القسم عن إصابة ضابطين وهما كل من النقيب أحمد عبد الوهاب والملازم أول أحمد عبد المعطى، واللذان أصيبا بطلقات نارية وتم نقلهما إلى مستشفى الشرطة لتلقى الإسعافات، ويعكف ضباط القسم حالياً على ضبط أطراف العائلتين والمتهمين بالهجوم على قسم الشرطة.










تعليقات (168)

1

اكيد قلة مندسة

بواسطة: هانى

بتاريخ: الإثنين، 17 أكتوبر 2011 04:59 م

اكيد فلول النظام مع اصابع خارجية مع قلة مندسة هههههههههههه

2

يا لا بأة يا رجالة

بواسطة: عاطف

بتاريخ: الإثنين، 17 أكتوبر 2011 05:01 م

دكوهم واضربوا بأيد من حديد ونفذوا تعليمات وزير الداخلية ورئيس الحكومة بالتعامل بقوة مع البلطجية كفاية كدة البلد على نار وأقبضوا عليهم كلهم بكبيرهم ويتعلموا الأدب

3

الظابط مش قتل الراجل .. الظابط سلخه قدام اهله

بواسطة: عادل

بتاريخ: الإثنين، 17 أكتوبر 2011 05:02 م

على فكره الخناقه كانت تحت بيتنا وحصل فعلآ ضرب نار , ولما جت الشرطه بعد 5 ساعات تقريبآ من الخناقه ومن ضرب النار وبعد ما العيلتيين كانو هديو اصلآ والخناقه كانت خلصت .. طلعو جابو الراجل من فوق وضربو مراته وعياله عشان يجيب السلاح .. جابو واحد ماكانش فى الخناقه اصلآ واطيب واحد فى العيله .. راحو ضاربيين مراتو فى الشارع ولما الراجل جه يتكلم الظابط قتلو .. وراحو واخديين الجثه وجريو فى العربيه بتاعتهم .. بعديها بقى العيلتيين اتجمعو وراحو عشان يجيبو الظابط ضربو عليهم نار من القسم .. وسلملى على الشرطه فى خدمه تجار المخدرات فقط لا غير ..

كرهتك يا مصر بسبب بوليسك

4

لك الله يا مصر

بواسطة: Mohamed Fawzy Taha

بتاريخ: الإثنين، 17 أكتوبر 2011 05:03 م

الواحد خلاص مبقاش قادر يستحمل ايه الجبروت ده الناس مبقتش ليها كبير ولا بتحترم اى حد شويه ضد الشرطه ودلوقتى الجيش نرجوا من المجلس الاعلى للقوات المسلحه والداخليه اصدار قانون تجريم وتغليظ العقوبات على اى حد تسول له نفسه ليخرب فى البلد او يحدث فيها اى فوضى او اعمال تخريب للبلد علشان الناس تخاف بقة ويا ريت يحصل كام عملية تصفية للمجرمين يعنى من الاخر الوقت دلوقتى مفهوش تقويم اللى يعمل حاجه تخريبيه ييقى اعدام علطول ولا بقة سجن ولا اكل ولا شرب ولا حراسة ولكى الله يا مصر

5

أحداث روض الفرج 17-10-2011

بواسطة: محمود على جمال

بتاريخ: الإثنين، 17 أكتوبر 2011 05:08 م

ياجماعة الأضطربات من إمبارح بالليل وهديت ورجعت تانى الساعة 11 الصبح مش من العصر ، والبلطجية واخدين الاطفال دروع حماية ليهم وبهددوا اللى يقرب منهم بقتل الاطفال دول

6

اين انت يا وزير الداخليه

بواسطة: مواطن مولع

بتاريخ: الإثنين، 17 أكتوبر 2011 05:08 م

يا سياده الوزير مطلوب من سيادتكم رد راددعععععع لهؤلاء البلطجيه المعروفين اكيد لدى القسم حاول تحسسونا ان فيه داخليه مش؟؟؟؟؟؟؟؟؟؟؟
ارجو النشر

7

يا حلاوة يا ولاد

بواسطة: محمد

بتاريخ: الإثنين، 17 أكتوبر 2011 05:09 م

هي بقت كدة هجوم مسلح على القسم يا جماعة الخراب دة لصالح مين ولازم السلاح يتلم من البلد وكمان البلطجية علشان كدة حرام والله يعني الواحد ممكن يبقى ماشي في أمان الله يطلعله بلطجي لو قتله دفاع عن النفس هيروح في داهية ولو سابه هيعيش ازاي تاني بلا كرامة

8

يارب

بواسطة: الامير تادرس

بتاريخ: الإثنين، 17 أكتوبر 2011 05:09 م

يارب الداخلية ترجع هيبتها زى زمان

9

عودة الشرطه بقوه

بواسطة: محمد المهدي

بتاريخ: الإثنين، 17 أكتوبر 2011 05:09 م

لوعملنا استفتاء على عودة الامن للتعامل بقوه على كل اساليب البلطجه لكانت الموافقه ميه فى الميه لان الباقى غير مصريين

10

علية العوض

بواسطة: ابو مريم

بتاريخ: الإثنين، 17 أكتوبر 2011 05:09 م

هية وصلت خلاص للدرجة دى فين هيبة الشرطة حرام عليكم

11

بح صوتى

بواسطة: جمال

بتاريخ: الإثنين، 17 أكتوبر 2011 05:11 م

انا اقترح الاعدام لكل من يضبذ ومعه سلاح غير مرخص ولو تم اعدام واحد من عؤلاء السفله والله تانى يوم سوف تلاقى ترسانه سلاخ تسلم للجيش ولكن من يسمع

12

دار دار فرد فرد

بواسطة: وليد لطفي

بتاريخ: الإثنين، 17 أكتوبر 2011 05:11 م

يارب خلصنا من الانفلات الامني المتعمد وتعود للدولة هيبتها وللشرطة هيبتها ولو اننا نؤمن ان الشرطة تستطيع ان تعيد للدولة هيبتها بالقانون وبالقبض علي البلطجية المعروفين لديهم فرد فرد دار دار

13

استفسار

بواسطة: مصرى

بتاريخ: الإثنين، 17 أكتوبر 2011 05:12 م

اية ياشباب الثورة مفيش تعليق

14

لا تتهاونوا

بواسطة: ashraf

بتاريخ: الإثنين، 17 أكتوبر 2011 05:12 م

لابد من الداخليه للتصدي لأي نوع من انواع فرض السيطره من قبل الشعب

15

أااااااااااااااااااااااااااااااااااااااه

بواسطة: عادل النادى888

بتاريخ: الإثنين، 17 أكتوبر 2011 05:12 م

ثورة يناير أظهرت أجمل مافى شباب مصر وأسوأمافى شعب مصر بالمطالب الفئوية والاضرابات وتعطيل مصالح الناس والبلطجة ورفع الأسعار حتى المثقفون المتأقبطون يطمعون فى حرين كارد أمريكا ..والفلول لم تعزل سياسيا وأيمن نور يعزل سياسيا والقضاء المباركى يوقف انتخابات الصحفيين والمحامين ..ياربى عدى الفترة الانتقالية الاحباطية الاكتئابية على خير وسلام//

16

hلشعب يريد

بواسطة: مش مهم

بتاريخ: الإثنين، 17 أكتوبر 2011 05:13 م

الشعب يريد فوضي وبس
خلي الفوضجية يتبسطوا ويجروا علي التحرير
ربنا يسترها علي مصر في الفترة اللي جاية
السلاح بقا في ايد الصغير قبل الكبير
بقت كوسه

17

فين ايامك ياريس

بواسطة: ليالى

بتاريخ: الإثنين، 17 أكتوبر 2011 05:13 م

ايون فعلا انا من هناك كان فى خناقة فى بديع بين بلطجية وبعدين شرطة نزلت وتبادلو النار وواحد مات راح اهالى البلطجية راحو ع قسم وفى ظباط اتصابو وكانت حاجة صعبة اووووووووووووى

18

يد من حديد

بواسطة: جوجو

بتاريخ: الإثنين، 17 أكتوبر 2011 05:13 م

لابد من الضرب بيد من حديد على كل من تسول له نفسه بالعبث بأمن هذا الوطن ولابد من محاسبة المتسببين حتى تعود هيبة الدولة بعدما اصبح الأنفلات والفوضى هما القاسم المشترك فى كل الأحداث الدموية

19

الى كل المصريين ارجووووووووووووووووووووكم......نعاونوا مع الشرطة

بواسطة: ابواسماعيل

بتاريخ: الإثنين، 17 أكتوبر 2011 05:14 م

الى كل المصريين ارجووووووووووووووووووووكم......نعاونوا مع الشرطة
الى كل المصريين ارجووووووووووووووووووووكم......نعاونوا مع الشرطة
الى كل المصريين ارجووووووووووووووووووووكم......نعاونوا مع الشرطة
الى كل المصريين ارجووووووووووووووووووووكم......نعاونوا مع الشرطة
الى كل المصريين ارجووووووووووووووووووووكم......نعاونوا مع الشرطة
الى كل المصريين ارجووووووووووووووووووووكم......نعاونوا مع الشرطة
الى كل المصريين ارجووووووووووووووووووووكم......نعاونوا مع الشرطة
الى كل المصريين ارجووووووووووووووووووووكم......نعاونوا مع الشرطة
الى كل المصريين ارجووووووووووووووووووووكم......نعاونوا مع الشرطة

20

رحمة بمصركم..

بواسطة: عادل النادى888

بتاريخ: الإثنين، 17 أكتوبر 2011 05:14 م

ثورة يناير أظهرت أجمل مافى شباب مصر وأسوأمافى شعب مصر بالمطالب الفئوية والاضرابات وتعطيل مصالح الناس والبلطجة ورفع الأسعار حتى المثقفون المتأقبطون يطمعون فى حرين كارد أمريكا ..والفلول لم تعزل سياسيا وأيمن نور يعزل سياسيا والقضاء المباركى يوقف انتخابات الصحفيين والمحامين ..ياربى عدى الفترة الانتقالية الاحباطية الاكتئابية على خير وسلام//

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع